दैलेख — दैलेख सदरमुकामबाट महाबु गाउँपालिका जाँदै गरेको जिप दुर्घटनामा परेको छ । दुर्घटनामा परी ४ जनाको मृत्यु भएको छ भने ३ जना घाइते भएका छन् । जिप सडकबाट निकै तल खसेको छ । लु१ज ३५३२ नम्बरको जिप साविकको रानीवन गाविसको ओखलढुंगा भन्ने ठाउँमा दुर्घटना भएको हो ।
दुर्घटनामा परी मृत्यु हुनेमा महाबु गाउँपालिका-५ का ३५ वर्षीय सरल कुमार शाही, महाबु-४ गैंडाबाजकी २२ वर्षीय निर्मला पाण्डे, कालिकोटकी २९ वर्षीया निर्मला कुमारी शाही र सुर्खेतका तिलक ढकाल छन् ।
यसैगरी घाइते हुनेको पहिचान खलेको छैन । घाइतेको उपचारको लागि जिल्ला अस्पताल ल्याइँदै गरिएको जिल्ला प्रहरी कार्यालयका डिएसपी सरोज पौडेलले जानकारी दिए ।
प्रकाशित : फाल्गुन १०, २०७४ १८:०२प्रतिक्रिया