माओवादीमा मन्त्री छान्ने जिम्मा अध्यक्षसहित तीन नेतालाई

खुमलटारस्थित पार्टी अध्यक्ष दाहाल निवासमा बिहीबार बसेको केन्द्रीय सचिवालयको बैठकले अध्यक्षसहित नेता नारायणकाजी श्रेष्ठ र रामबहादुर थापालाई उक्त जिम्मा दिने निर्णय गरेको हो ।

कुन–कुन मन्त्रालय लिएर कुन–कुन नेतालाई पठाउने भन्ने विषयमा अध्यक्षसहित नेता श्रेष्ठ र थापालाई जिम्मा दिने निर्णय भएको पार्टीका नेता अग्नि सापकोटाले जानकारी दिए । बैठकमा यही फागुन ७ गते नेकपा (एमाले)सँग भएको सात बुँदे सहमति, पार्टी एकता कार्यदलको बैठक, सरकारमा सहभागिताका लागि नीतिगत समझदारी र मापदण्ड बनाएर जाने विषयमासमेत छलफल भएको थियो ।