बलात्कार आरोपमा थुना आदेश

प्रतिवादीलाई थुनामा राखेर मुद्दाको टुङ्गो लगाउने की छाड्नेबारेमा मूख्य न्यायाधीश ब्रजेश प्याकुरेलको इजलाले सोमबार गरेको मुद्दाको पहिलो सुनवाईमा पुर्पक्ष आदेश गरी कारागार पठाएको छ ।

स्रेस्तेदार रामानन्दप्रसाद अधिकारीकाअनुसार तीन वर्षभन्दा बढी जेल सजाय हुने कसूरका अभियुक्तलाई तत्काल प्राप्त सवुद प्रमाणका आधारमा थुन्नु पर्ने देखिए अदालतले थुना आदेश गर्ने कानूनी प्रावधान छ ।

०७३ साल चैत १८ गते स्थानीय विद्यालयको कक्षा २ मा परीक्षा दिएर अपरान्ह १ बजेतिर घरतर्फ फर्कँदै गरेकी १० वर्षीया दलित बालिकालाई प्रतिवादी पाण्डेले ललाईफकाई घरमा लगेर जबरजस्ती करणी गरेको आरोपमा उनीमाथि न्यायिक सुनवाई थालिएको हो ।

यसअगि न्यायाधीश प्याकुरेलकै इजलासले भान्जी नातामा पर्ने ३ वर्षीया नाबालिकालाई ०७३ कात्तिक १६ गते जबरजस्ती करणी गरेको आरोपमा गौशाला नपा २ का १८ वर्षीय कुमार भुजेललाई गत सोमबार १० वर्ष कैद तथा पीडित बालिकालाई ५० हजार क्षतिपुर्ती भराई दिने फैसला गरेको छ ।