प्रधानमन्त्री ओलीद्वारा मनमोहन एनेक्स सेन्टर शिलान्यास

स्वास्थ्य उपचारमा गुणस्तरीय सेवा दिन आग्रह गर्दै ओलीले मेडिकल कलेज सञ्चालनमा गुणस्तरीयता आवश्यक रहेको समेत औंल्याए ।

मनमोहन कार्डियोथोरासिक भास्कुलर तथा ट्रान्सप्लान्ट सेन्टरका कार्यकारी निर्देशक प्रा.डा. उत्तमकृष्ण श्रेष्ठका अनुसार शिक्षण अस्पतालको परिसरमा रहेको २३ आना जग्गाभित्र मनमोहन सेन्टर एनेक्स बिल्डिङ्ग बन्दैछ । १९ महिनामा निर्माण सम्पन्न हुने भनिएको नयाँ भवनमा अन्य सुविधासँगै ४० शय्या थपिनेछ । यसमध्ये रहने एउटा ‘स्वीट’मा अति विशिष्ट व्यक्तिहरुको उपचार हुनेछ ।

यस्तै हाइव्रिड अपरेसन थियटर निर्माण हुनेछ । यसमा क्याथ प्रोसिडियोर र शल्यचिकित्सा एकैपटक गर्न सकिन्छ । यो अस्पतालको भौतिक संरचना निर्माण गर्न सरकारबाट ३० करोड रुपैयाँको विनियोजन हुने समेत डा.श्रेष्ठले जनाए ।