अवकाश भइसक्नुपर्ने व्यक्तिसँग बसेर न्यायसम्पादन गर्न मिल्दैन : न्यायाधीश चोलेन्द्रशमशेर

न्यायाधीश राणाले फरक मत राखेपछि इजलाश स्थगित भएको हो ।

मुद्दाको सुनुवाइको दोस्रो दिन ११ बजे सुरु हुनुपर्ने इजलास सवा १२ बजेसम्म बस्न सकेको थिएन । त्यही बीचमा इजलासका सदस्य रहेका चोलेन्द्रशमशेर इजलासमा प्रवेश गरेर मुद्दाका सवालमा आफ्नो फरक मत राखेका थिए ।

‘सम्माननीय प्रधानन्यायाधीशज्यूले हामीबीच छलफल हुँदा वहाँका प्रमाणपत्रहरु देखाउनुभयो,’ उनले भने, ‘एउटामा जन्ममिति २००९ साल रहेछ अर्कोमा २०११ देखियो । न्यायपरिषद ऐनको व्यवस्था अनुसार २०७४ साउन २१ गते उहाँ अवकाश हुनुपर्ने हो । अवकाश भइसक्नुपर्ने व्यक्तिको साथमा बसेर मैले न्यायसम्पादन गर्न मिलेन । म अलग रहन चाहेँ ।’