२१.१२°C काठमाडौं
धादिङ — गाँजा ओसारपसार गरिरहेका दुई युवक पक्राउ परेका छन् । बोरामा राखेर मोटरसाइकल मार्फत चितवनतर्फ लैजाँदै गरेको १० किलो गाँजासहित उनीहरूलाई धादिङको बेनीघाट रोराङ गाउँपालिकाको जोगीमारामा पक्राउ गरिएको इलाका प्रहरी कार्यालय गजुरीका प्रहरी निरीक्षक सञ्जय तिमल्सिनाले जानकारी दिए ।
पक्राउ पर्नेमा पोखरा लेखनाथ महानगरपालिका–३ का सुनित शिल्पकार र सोही स्थानका पवनमणि लामिछाने रहेको प्रहरीले जनाएको छ । प्रहरीले उनीहरूले गाँजा बोक्न प्रयोग गरेको ना५४प ६४५ नं. को स्कुटर र ग६प ९४३१ नं. को मोटरसाइकल समेत बरामद गरेको छ ।
प्रतिक्रिया
