बैंक घोटालामा थप १ पक्राउ

प्रहरीले शुक्रबार कर्जा प्रवाहमा अनियमितता गरेको आरोपमा तत्कालीन एपेक्स डेभलेपमेन्ट बैंकका अध्यक्षसहित सञ्चालक र अधिकृत तहका कर्मचारी गरी १३ जनालाई पक्राउ गरेको थियो । ब्युरोका अनुसार पक्राउ परेका सबैलाई बैंकिङ कसुर ऐनअन्तर्गत मुद्दा चलाइएको छ । पक्राउ परेका सबैलाई आइतबार उच्च अदालत, पाटनबाट अनुसन्धानका लागि ७ दिन म्याद लिएर थुनामा राखिएको छ ।

२०७२ मंसिरमा नेपाल क्रेडिट एन्ड कमर्स बैंकसँग मर्जरमा जाने सहमति गरेपछि एपेक्सका अध्यक्षसहितका कर्मचारीले मिलेमतोमा अनियमित तरिकाले १ अर्ब ५० करोड ९६ लाख ३३ हजार ९ सय ८४ रुपैयाँ कर्जा प्रवाह गरेका थिए । राष्ट्र बैंकले दिएको सूचनाका आधारमा प्रहरीले उनीहरूलाई पक्राउ गरेको हो । ब्युरोले १ सय २८ वटा धितोसम्बन्धी फाइल अध्ययनका आधारमा सञ्चालकहरू, ऋणी र जग्गा मूल्यांकनकर्ताको मिलेमतोमा आर्थिक अपचलन भएको देखिएको जनाएको छ ।