काठमाडौँ — स्वास्थ्य मन्त्रालयअन्तर्गतको जिल्ला जनस्वास्थ्य कार्यालय र जिल्लाका अन्य स्वास्थ्य कार्यालयहरु तत्काल खारेज नहुने भएको छ । यसअघि मुलुकभरका स्वास्थ्यसँग सम्बन्धित कार्यालयहरु चैत २८ गतेबाट खारेज गर्ने सरकारको तयारी थियो ।
स्वास्थ्य मन्त्रालय, योजना महाशाखा, प्रमुख महेन्द्र श्रेष्ठले मंगलबार कान्तिपुरसँग भने– ‘जिल्ला जनस्वास्थ्य कार्यालय अहिले खारेज हुँदैन, सञ्चालनमै रहन्छ ।’ उनले प्रदेशअन्तर्गत रहने स्वास्थ्य संस्थाहरुको नयाँ संरचनाबारे काम भइरहेको जनाए ।