एकैपटक ३० सचिवको सरुवा

कान्तिपुर संवाददाता

काठमाडौँ — सरकारले एकैपटक विभिन्न मन्त्रालय र निकायका ३० सचिवलाई सरुवा गरेको छ । प्रधानमन्त्री केपी ओली भारत भ्रमणमा जानुअघि शुक्रबार बिहान बसेको मन्त्रिपरिषद् बैठकले सचिव सरुवाको निर्णय गरेको हो । विभिन्न मन्त्रालय र निकायमा रहेका ४८ सचिवमध्ये एकैपटक ३० जनाको सरुवा गरिएको छ ।

फाइल तस्बिर ।

प्रधानमन्त्री तथा मन्त्रिपरिषद् कार्यालय स्रोतका अनुसार गृहसचिव मोहनकृष्ण सापकोटालाई युवा तथा खेलकुद मन्त्रालयमा र शिक्षा सचिव मधु रेग्मीलाई सार्वजनिक खरिद अनुगमन कार्यालयमा सरुवा गरिएको छ । प्रधानमन्त्री तथा मन्त्रिपरिषद् कार्यालयका सचिवद्वय प्रेमकुमार राई र खगराज बराललाई क्रमश: गृह तथा शिक्षा मन्त्रालयमा सारिएको छ ।

Yamaha

अर्थ सचिव शंकर अधिकारीलाई उपराष्ट्रपति कार्यालयमा लगिएको छ भने अख्तियार सचिव राजन खनाललाई अर्थसचिव बनाइएको छ । प्रधानमन्त्री तथा मन्त्रिपरिषद् कार्यालयका सचिव महेन्द्रमान गुरुङलाई सूचना तथा सञ्चार मन्त्रालयमा र सञ्चार सचिव केदारबहादुर अधिकारीलाई प्रधानमन्त्री तथा मन्त्रिपरिषद् कार्यालयमा लगिएको छ ।

सार्वजनिक खरिद अनुगमन कार्यालयका सचिव महेश्वर न्यौपानेलाई अख्तियारमा लगिएको छ । रक्षा सचिव विनोद केसीलाई राष्ट्रपति कार्यालय सरुवा गरिएको छ भने त्यहाँ योजना आयोगका सचिव विष्णु लम्साललाई ल्याइएको छ । प्रधानमन्त्री तथा मन्त्रिपरिषद् कार्यालयको अतिरिक्त समूहमा रहेका शरदचन्द्र पौडेललाई योजना आयोग लगिएको छ । उद्योग, वाणिज्य तथा आपूर्ति मन्त्रालयका सचिव (आपूर्ति) अनिल ठाकुरलाई महिला आयोगमा सारिएको छ ।

पुनर्निर्माण प्राधिकरणका सचिव मधुसूदन अधिकारीलाई भौतिक पूर्वाधार मन्त्रालयमा सरुवा गरिएको छ । भौतिक पूर्वाधारका सचिव देवेन्द्र कार्कीलाई नेपाल ट्रस्टको कार्यालयमा सारिएको छ । ट्रस्टका सचिव अर्जुनकुमार कार्कीलाई पुनर्निर्माण प्राधिकरणमा लगिएको छ ।

युवा तथा खेलकुद मन्त्रालयका सचिव महेशप्रसाद दाहाललाई श्रम, रोजगार तथा सामाजिक सुरक्षा मन्त्रालयमा सरुवा गरिएको छ । वन सचिव युवकध्वज जीसीलाई कृषि मन्त्रालय र त्यहाँका सचिव (पशुपन्छी) विश्वनाथ ओलीलाई वन मन्त्रालय लगिएको छ ।

प्रदेश १ का कामु मुख्यसचिव यादवप्रसाद कोइरालालाई काठमाडौं महानगरपालिकाको कार्यकारी अधिकृतमा र राष्ट्रपति कार्यालयका सचिव भूपेन्द्रप्रसाद पौडेललाई सूचना आयोगमा सरुवा गरिएको छ । यस्तै, श्रम, रोजगार तथा सामाजिक सुरक्षा मन्त्रालयका सचिव लक्ष्मण मैनालीलाई प्रधानमन्त्री कार्यालयमा र उपराष्ट्रपति कार्यालयका सचिव लालशंकर घिमिरेलाई प्रधानमन्त्री तथा मन्त्रिपरिषद् कार्यालयमा सरुवा गरिएको छ । प्रधानमन्त्री तथा मन्त्रिपरिषद् कार्यालयको अतिरिक्त समूहमा रहेका सचिव कृष्णराज बीसीलाई खानेपानी मन्त्रालयमा सरुवा गरिएको छ । खानेपानी मन्त्रालयका गजेन्द्र ठाकुरलाई शिक्षा मन्त्रालयको विज्ञान तथा प्रविधि सचिवमा सारिएको छ । विज्ञान तथा प्रविधि सचिव सञ्जय शर्मालाई ऊर्जा, जलस्रोत तथा सिँचाइ मन्त्रालयमा सारिएको छ ।

सत्तारूढ एमाले र माओवादी केन्द्र तथा तिनका पहुँचवाला नेताका निकट सचिवलाई छानीछानी ‘आकर्षक’ र ‘पावरफुल’ मन्त्रालयमा सरुवा गरिएको हो । तत्कालीन प्रधानमन्त्री शेरबहादुर देउवाका पालामा आकर्षक र पावरफुल मन्त्रालयमा रहेका कांग्रेस र तिनका पहुँचवाला निकट सचिवलाई भने दायित्व कम भएका निकायमा थन्क्याइएको छ ।

शक्तिशाली मन्त्रीहरूले आफ्नो पार्टी निकटमात्र नभई आफूले भनेको हुबहु मान्ने सचिवहरूलाई आफ्नो मन्त्रालयमा ल्याएका छन् । कतिपय मन्त्रीले भने आफ्नो जिल्ला या भेगका सचिवलाई ल्याएका छन् । मन्त्रिपरिषद्ले धेरै सचिवलाई एमाले र माओवादीनिकट कर्मचारी संगठनको सिफारिसमा राम्रा मन्त्रालयमा लगेको समेत स्रोतले उल्लेख गरेको छ ।

कांग्रेसको पालामा प्रधानमन्त्री तथा मन्त्रिपरिषद् कार्यालय र विभिन्न साना निकायमा थन्क्याइएका सचिवहरूले यस पटक आकर्षक मन्त्रालय पाएका छन् ।

को कहाँ ?
विनोद केसी - राष्ट्रपति कार्यालय
शंकरप्रसाद अधिकारी - उपराष्ट्रपति कार्यालय
केदारबहादुर अधिकारी -प्रधानमन्त्री कार्यालय
लालशंकर घिमिरे - प्रधानमन्त्री कार्यालय
लक्ष्मणप्रसाद मैनाली - प्रधानमन्त्रीको कार्यालय
महेन्द्रमान गुरुङ - सूचना तथा सञ्चार प्रविधि मन्त्रालय
मोहनकृष्ण सापकोटा- युवा तथा खेलकुद मन्त्रालय
प्रेमकुमार राई - गृहमन्त्रालय
राजन खनाल - अर्थ मन्त्रालय
महेश्वर न्यौपाने - अख्तियार
देवेन्द्र कार्की - नेपाल ट्रष्टको कार्यालय
अर्जुनकुमार कार्की - राष्ट्रिय पुननिर्माण प्राधिकरण
खगराज बराल - शिक्षा तथा विज्ञान प्रविधि
मधुप्रसाद रेग्मी - सार्वजनिक खरिद अनुगमनको कार्यालय
महेश दाहाल - श्रम तथा रोजगार
मधुसुदन अधिकारी - भौतिक मन्त्रालय
युवकध्वज जिसी - कृषि
विश्वनाथ ओली - वन
अनिल ठाकुर - महिला आयोग
कृष्णराज बिसी - खानेपानी
गजेन्द्रकुमार ठाकुर - शिक्षा तथा विज्ञान प्रविधि
सञ्जय शर्मा - ऊर्जा, जलस्रोत तथा सिँचाइ
शरदचन्द्र पौडेल - राष्ट्रिय योजना आयोग
विष्णुप्रसाद लम्साल - रक्षा
भूपेन्द्रप्रसाद पौडेल -राष्ट्रिय सूचना आयोग
यादवप्रसाद कोइराला - काठमाडौं महानगरपालिका

प्रकाशित : चैत्र २३, २०७४ १२:२६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

कार्यवहाक प्रधानमन्त्रीको जिम्मा पोखरेललाई

कान्तिपुर संवाददाता

काठमाडौँ — कार्यवहाक प्रधानमन्त्रीको जिम्मा रक्षामन्त्री ईश्वर पोखरेललाई दिइएको छ । राष्ट्रपति विद्यादेवी भण्डारीले प्रधानमन्त्री केपी ओली भारतको राजकीय भ्रमणको सिलसिलामा शुक्रबार भारतको नयाँदिल्लीतर्फ प्रस्थान गरेकोले उनको अनुपस्थितिमा प्रधानमन्त्रीले गर्ने दैनिक प्रशासनिक काम रक्षामन्त्री ईश्वर पोखरेलले सम्हाल्ने गरी तोकेकी हुन् ।

प्रधानमन्त्री ओली आइतबार स्वदेश फर्कने कार्यक्रम छ।

नेपालको संविधानबमोजिम प्रधानमन्त्रीको सिफारिसमा रक्षामन्त्री पोखरेललाई उक्त जिम्मेवारी तोकिएको राष्ट्रपतिको कार्यालयले जनाएको छ।

प्रकाशित : चैत्र २३, २०७४ १२:१७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT