मन्त्रिपरिषद बैठक : राष्ट्रिय योजना आयोगको उपाध्यक्षमा पुष्प कँडेल

राष्ट्रिय चिकित्सा शिक्षा अध्यादेश जारीका लागि राष्ट्रपति समक्ष सिफारिस 
सार्वजनिक सेवामा हड्ताल गर्न निषेध गर्ने सूचना राजपत्रमा प्रकाशित गर्ने
शेखर अधिकारी

काठमाडौँ — मंगलबारको मन्त्रीपरिषद बैठकले राष्ट्रिय योजना आयोगको उपाध्यक्षमा प्राडा पुष्प कँडेललाई नियुक्त गर्ने निर्णय गरेको छ ।

एमाले पार्टीको केन्द्रिय लेखा आयोगका अध्यक्ष समेत रहेका कँडेलसँगै आयोगका सदस्यहरुमा कृष्णप्रसाद ओली, उषा झा, दिलकुमार गुरुङ, सुशील भट्ट मीनबहादुर शाही र रामकुमार फुँयाललाई नियुक्त गर्ने निर्णय बैठकले गरेको छ।

Yamaha

प्रधानमन्त्री निवास बालुवाटारमा बसको बैठकले बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (पहिलो संशोधन) अध्यादेश, राष्ट्रिय सभा निर्वाचन अध्यादेश, राष्ट्रिय चिकित्सा शिक्षा अध्यादेशलाई जारी गर्न राष्ट्रपति समक्ष सिफारिस गर्ने निर्णय गरेको छ।


यस्तै बैठकले सरकारी तथा उच्चपदस्थ व्यक्तिहरुको वैदेशीक भ्रमण निर्देशिका स्वीकृत गर्ने तथा सार्वजनिक सुरक्षा ऐन २०४६ लाई संशोधन गर्न बनेको विधेयक संसदमा पठाउने समेत निर्णय गरेको छ। त्यसै गरी सार्वजनिक हितका लागि अत्यावश्यक सेवामा हड्ताल गर्न निषेध गर्ने सूचना राजपत्रमा प्रकाशित गर्ने निर्णय भएको नेपाल सरकारका प्रवक्ता एवं सूचना राज्यमन्त्री गोकुल वाँस्कोटाले जानकारी दिएका छन्।

प्रकाशित : वैशाख ११, २०७५ १२:४५
ADVERTISEMENT
प्रतिक्रिया
पठाउनुहोस्
ADVERTISEMENT

खुमलटार बैठकको निष्कर्ष : प्रतिशत तोकेर एकतामा नजाउँ !

शेखर अधिकारी

काठमाडौँ — नेकपा माओवादी केन्द्रको केन्द्रीय कार्यालयको विस्तारित बैठकले पार्टी एकताका लागि अहिले नै मिति तोक्न नहुने निष्कर्ष निकाल्दै प्रतिशत नै तोकेर एकतामा जान नहुने निर्णय गरेको छ ।

अध्यक्ष निवास खुमलटारमा बिहान ७ बजेबाट जारी बैठकमा पार्टी एकता र समसामयिक राजनीतिक विषयका बारेमा छलफल भएको थियो ।

बैठकमा सहभागी माओवादी नेता देवेन्द्र पौडेलले भने, 'सम्मानजनक एकतामा जाने विषयमा छलफल भयो । प्रतिशत तोकेर एकतामा जाँदा त्यसको सन्देश नकारात्कम जाने र त्यसको असर पछिसम्म देखिने भएकोले त्यसो गर्न नहुने सबैजनाको सहमति भयो ।'

उनका अनुसार आइतबार हुने भनिएको दुवै पार्टीका अध्यक्षहरुको संयुक्त सम्बोधनमा अध्यक्ष दाहालले बोल्दा पार्टी एकतामा सकारात्मक सन्देश जाने गरी वक्तव्य दिने विषयमा पनि छलफल भएको थियो । यस्तै सरकार परिचालनका सम्बन्धमा प्रधानमन्त्रीसँग छलफल गरेर एउटा संयन्त्र बनाउन पनि प्रस्ताव गर्ने बारे बैठकमा सहमति भएको छ ।

माओवादी केन्द्र अध्यक्ष पुष्पकमल दाहाल र प्रधानमन्त्री तथा एमाले अध्यक्ष केपी शर्मा ओलीबीच केही दिनदेखि जारी बैठकमा भएका प्रगतिका बारेमा बैठकमा दाहालले सहभागी सदस्यहरुलाई जानकारी गराएका थिए । उनले चुनाव चिह्न सूर्य नै राख्ने र जनयुद्ध, जनआन्दोलन लगायत लोकतान्त्रिक परिवर्तनका आन्दोलनहरुलाई अन्तरिम विधानमा राख्नेमा प्रधानमन्त्री ओलीसँग सहमति भएको जानकारी बैठकलाई दिएका थिए ।

प्रकाशित : वैशाख ९, २०७५ ११:४५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT