सुन तस्करी काण्डमा एसएसपी दिवेश लोहनी पक्राउ

कान्तिपुर संवाददाता

काठमाडौँ — ३३ किलो सुन तस्करीको अनुसन्धान गर्न बनेको उच्चस्तरीय समितिले एसएसपी दिवेश लोहनीलाई पक्राउ गरेको छ । मंगलबार बयानका लागि जिल्ला प्रहरी कार्यालय मोरङ पुगेका लोहनीलाई पक्राउ पुर्जी थमाएर अदालत पेस गरिएको हो ।

महानगरीय अपराध महाशाखा प्रमुख रहेको बेला एसएसपी लोहनीले नै सनम शाक्यको हत्यापछि अनुसन्धानलाई नेतृत्व दिएर अगाडि बढाएका थिए। लोहनीले शाक्यको हत्याबारे अनुसन्धान गर्न र तस्करीका मुख्य नाईके भनिएका गोरे भनिने चूडामणि उप्रेतीलाई पक्राउ गर्न डिएसपी प्रजित केसी र सई बालकृष्ण संजेललाई मोरङ पठाएका थिए।

एसएसपी लोहनीले उक्त घटनाबारे अनुसन्धान गर्नुअघि निमित्त आईजीपी बमबहादुर भण्डारीसँग पनि मौखिक अनुमति लिएका थिए भने अनुसन्धानबारे बारम्बार प्रहरी प्रधान कार्यालयलाई रिपोर्ट पनि गरेका थिए।

प्रकाशित : वैशाख १९, २०७५ १६:०२
ADVERTISEMENT
प्रतिक्रिया
पठाउनुहोस्

अष्ट्रेलियामा गीतसंगीतलाई अघि बढाउदै नेपाली

नारायण खड्का

अष्ट्रेलिया — सिड्नीमा बसोबास गर्ने गायक ईश्वर पोखरेल अविरलले दुईदिनअघि ‘कति बज्यो भनेर सोधम कि’ बोलको गीत सार्वजनिक गरे । करिब एकसाता अघि नै दक्षिण अष्ट्रेलियाकी गायिका प्रजिता गेलालले ‘ब्युटिफूल गर्ल’ नामक गीत सार्वजनिक गरिन् । उनीहरुको गीत अहिले पनि युट्युबमा राम्रैसँग बजिरहेको छ । 

अष्ट्रेलियाको व्यस्त जीवनशैलीमा पनि नेपाली गीतसंगीतलाई अघि बढाउने काम यहाँका दुई दर्जन बढी गायक, संगीतकर्मी तथा रचनाकारहरुले जीवित राखेका छन्। अहिले अष्ट्रेलियामा साताजसोमा एउटा नेपाली गीतसंगीत सार्वजनिक हुने गरेको छ।
एउटा गीत सार्वजनिक गर्न करिब ३ लाख रुपैयाँ लाग्छ। पैसा आउने बाटो पशस्त नभएपनि यहाँका गायक गायिकाहरुले साताजसो नै नयाँ गीतहरु सार्वजनिक गरिरहेका छन्। ‘यो हामीले के पाउने वा नपाउने भन्दा पनि नेपाली गीतसंगीतलाई विदेशमा पनि जीवित राखौं भन्ने मात्र हो।’ गायक पोखरेल सुनाउँछन्।
सिड्नीमा एक दर्जन बढी गायकगायिकाहरु सक्रिय रुपमा संगीतमा लागिरेहका छन्। अन्य राज्यहरुमा पनि नेपाली संगीतकर्मीहरु प्रशस्त भेटिन्छन्।
विगत लामो समयदेखि दक्षिण अष्ट्रेलियाबाट संगीतमा लागि परेकी गायिका प्रजिता गेलाल संगीत रहरभन्दा पनि नेपाल पहिचान र दर्शकहरुको माया भएको सुनाउँछिन्। उनी नेपाली गीत सार्वजनिक गरेर आर्थिक रुपमा केही नपाउने भएपनि आफ्नो भाषा र संगीत जीवित राख्न पाउनु नै आफ्नो सन्तुष्टि भएको दाबी गर्छिन्।
अष्ट्रेलियामा संगीतमा लागिरहेकामध्ये केही नेपालमै संगीत साधनामा लागिसकेका व्यक्तिहरु भएकाले समेत अष्ट्रेलियामा नेपाली संगीतले राम्रो बाटो पाएको हो।
गीतकार निष्प्रभ सजीदेखि गायकहरु समीर आचार्य, संजीव पराजुली, राजकुमार गोश्वामी, सुजाता उपाध्याय, नरेन कुलुङ लगायतका गायकगायिकाहरु नेपालदेखि नै संगीत क्षेत्रमा लागि परेका थिए उनीहरुले नयाँ आउने पुस्ताहरुलाई समेत बाटो प्रसस्त गरिदिएका छन्।
अष्ट्रेलियाबाट धेरै गीतमा सफलता पाएका गायक पराजुली आफूहरुको उद्देश्य नै यहाँका नयाँ पुस्तालाई नेपाली गीतसंगीतप्रति प्रोत्साहन जगाउनु रहेको सुनाउँछन्।
उनीहरुले प्राय सबै गीतहरु नेपालबाटै उत्पादन गर्ने गरेका छन्। एउटा गीत र म्युजिक भिडियो बनाउँदा २ लाखदेखि ४ लाखसम्म लगानी हुने गरेको उनीहरुले बताए।

प्रकाशित : वैशाख १९, २०७५ १५:५१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT