बिरामीको मृत्युपछि तुल्सीपुरमा तनाव, डाक्टर र मेडिकल सञ्चालक प्रहरीको नियन्त्रणमा  

दुर्गालाल केसी

दाङ — उपचारमा लापरबाहीका कारण तृलसीपुरमा एक बिरामीको मृत्यु भएको आरोप लगाउँदै मृतकका आफन्तले मेडिकल घेराउ गरेका छन् । पेट दुखेर बुधबार तुलसीपुरस्थित ज्योति मेडिकलमा उपचारमा गएकी तुलसीपुर-७ कुमाल गाउँकी ४० वर्षीया प्रेमा कुमालको मृत्यु भएपछि आफन्तले घेराउ तथा प्रदर्शनसहित नाराबाजी गरेका छन् ।

प्रदर्शनकारीका कारण मेडिकल कलेज परिसरमा तनाव सिर्जना भएको छ ।

Yamaha

मृतकका आफन्तका अनुसार मेडिकलमा डा. प्रकाश नेपालीले दुखाई कम गर्ने औषधि र इन्जेक्सन दिएपछि बिरामीलाई थप असहज महसुस भएको थियो । त्यसपछि उपचार गर्न राप्ती अञ्चल अस्पताल तुलसीपुर लैजाँदै गर्दा मृत्यु भएको ईलाका प्रहरी तुलसीपुरले जनाएको छ । घटनापछि डा. नेपाली र मेडिकल सञ्चालक यमबहादुर धौलाकोटीलाई नियन्त्रणमा लिएको डिएस्पी प्रकाश सापकोटाले बताए ।

Esewa Pasal

प्रकाशित : वैशाख १९, २०७५ १८:३३
ADVERTISEMENT
ADVERTISEMENT
प्रतिक्रिया
पठाउनुहोस्

प्याब्सन र एनप्याब्सनमा तालाबन्दी

रासस

काठमाडौँ — संयुक्त विद्यार्थी संगठनले बुधबार निजी विद्यालयको चर्को शुल्क वृद्धि फिर्ता गरिनुपर्ने माग राख्दै देशभरका निजी विद्यालयको संगठनको कार्यालयमा तालाबन्दी गरेका छन् । 

अनेरास्ववियु, नेपाल विद्यार्थी संघ, अनेरास्ववियु (क्रान्तिकारी) र अखिल (छैटौँ)ले बुधबार निजी तथा आवासीय विद्यालय संगठन (प्याब्सन) र नेपाल निजी तथा आवासीय विद्यालय संगठन (एनप्याब्सन) को कार्यालयमा तालाबन्दी गरेको अखिल (क्रान्तिकारी)का उपाध्यक्ष सुरेन्द्र बस्नेतले जानकारी दिए ।

विद्यार्थी संगठनले डिल्लीबजारस्थित प्याब्सनको केन्द्रीय कार्यालय र कुपण्डोलस्थित एनप्याब्सनको केन्द्रीय कार्यालयमा समेत तालाबन्दी गरेका छन् ।

सरकारद्वारा जारी ‘सस्थागत विद्यालय शुल्क मापदण्ड निर्देशिका २०७२’ विपरीत बढी शुल्क लिएको भन्दै विद्यार्थी संगठनहरु चरणबद्धरुपमा आन्दोलनमा उत्रिएका हुन् ।

प्रकाशित : वैशाख १९, २०७५ १८:१७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT