१४.०६°C काठमाडौं
काठमाडौंमा वायुको गुणस्तर: १५७

यातायात सिन्डिकेट : २४५ समितिका बैंक खाता रोक्का

यज्ञ बञ्जाडे

काठमाडौँ — सरकारले खारेज गरिसके पनि अवैध रूपमा सञ्चालनमा रहेका देशभरका २ सय ४५ वटा ‘यातायात समिति’ का बैंक खाता आइतबार साँझदेखि रोक्का भएका छन् । राष्ट्र बैंकका अनुसार थप समितिहरूको पनि खाता रोक्का हुन सक्ने सम्भावना छ ।

यातायात सिन्डिकेट : २४५ समितिका बैंक खाता रोक्का

सरकारले ‘सम्पत्ति छानबिन गरिने’ भन्दै शुक्रबार गरेको निर्णयअनुसार आइतबार राष्ट्र बैंकले ती समितिको खाता रोक्का गर्न बैंक तथा वित्तीय संस्थालाई निर्देशन दिएको हो । निर्देशनअनुसार साँझदेखि नै उनीहरूका खाता रोक्का भएका छन् । ‘सरकारबाट सूचीसहित खाता रोक्का गर्न पत्राचार भएको थियो, सूचीमा भएका सबै समितिको खाता रोक्का भएको छ,’ राष्ट्र बैंकका प्रवक्ता नारायणप्रसाद पौडेलले भने, ‘अब सरकारकै निर्देशन नआएसम्म ती खाता फुकुवा हुनै छैनन् ।’ नेपाल सरकार, अर्थ मन्त्रालय, वित्तीय क्षेत्र व्यवस्थापन महाशाखाको पत्रअनुसार तोकिएका समितिहरूको खाता रोक्का गर्न निर्देशन आएको राष्ट्र बैंकद्वारा बैंक तथा वित्तीय संस्थालाई पठाएको पत्रमा उल्लेख छ ।

राष्ट्र बैंकका अनुसार सातवटै प्रदेशका समितिका खाता रोक्का भएका हुन्, जसमा प्रदेश १ मा ३५ वटा, २ मा १० वटा, ३ मा १ सय १८ वटा, ४ मा २४ वटा, ५ मा ४० वटा, ६ मा १२ वटा र ७ मा ९ वटा यातायात व्यवसायी समिति परेका छन् । सरकारले पठाएको पत्रको आशयका आधारमा यो संख्या अझै बढ्न सक्ने राष्ट्र बैंकले जनाएको छ । यी खातामा भएको रकमबारे खुलासा गरिएको छैन ।

गृह मन्त्रालयले सिन्डिकेट हटाउने निर्णय गरे पनि त्यसको विरोधमा सवारी साधन नचलाउने व्यवसायीको खाता रोक्का गरिएको हो । सार्वजनिक सवारी सञ्चालन र सिन्डिकेट अन्त्यबारे छलफल गर्न शुक्रबार गृह मन्त्रालयमा बसेको बैठकले उनीहरूको खाता रोक्का गरी सम्पत्ति छानबिन गर्ने निर्णय गरेको थियो ।

गृहमन्त्री रामबहादुर थापा, राष्ट्र बैंकका गभर्नर र भौतिक तथा यातायातमन्त्री रघुवीर महासेठ समेतको उपस्थितिमा उक्त निर्णय भएको थियो ।

‘सार्वजनिक सवारी सञ्चालन र सिन्डिकेट अन्त्यका सन्दर्भमा देखिएको अवस्थाबारे छलफल गर्न शुक्रबार गृह मन्त्रालयमा बसेको बैठकको निर्णय र यातायात व्यवस्था विभागको आइतबार (वैशाख २३ गते) को पत्रअनुसार समितिहरूको आर्थिक कारोबार आजैका मितिदेखि रोक्का गरिदिनुहुन निर्देशानुसार अनुरोध छ,’ वित्तीय व्यवस्थापन महाशाखाले राष्ट्र बैंकलाई पठाएको पत्रमा उल्लेख छ ।

यातायात व्यवसायी समितिको सिन्डिकेट नियन्त्रण गर्न भन्दै सरकारले बैंक खाता रोक्का गरे पनि ती समितिले सहकारी संस्थामा पैसा राख्ने गरेको खुल्न आएको छ । तर सरकारले सहकारी संस्थामा भएको खाता रोक्काबारे केही बोलेको छैन । सरकारले यातायात व्यवसायीको बैंक खाता रोक्का गरी अनुसन्धान गरिने बताए पनि रोक्काका लागि राष्ट्र बैंकलाई पठाएको पत्रमा भने अनुसन्धान सम्बन्धमा केही उल्लेख छैन ।

खाता रोक्का गरिएका यातायात समिति
प्रदेश १
हिमाल यातायात व्यवसायी संघ, उज्यालो बस व्यवसायी संघ, पाथीभरा यातायात व्यवसायी संघ, दमक ट्याक्सी व्यवसायी संघ, पूर्वाञ्चल जिप व्यवसायी संघ, मेची बस व्यवसायी संघ, पूर्वाञ्चल यातायात व्यवसायी संघ, पूर्वी नेपाल बस व्यवसायी संघ, मेची जिप व्यवसायी संघ, कन्काई यातायात संघ, नेपाल रात्रि तथा दिवा यातायात संघ, पूर्व नेपाल यातायात बस व्यवसायी संघ, मोरङ बस व्यवसायी संघ, कोसी बस व्यवसायी संघ, पूर्वाञ्चल यातायात व्यवसायी संघ, सप्तकोसी बस व्यवसायी संघ, संयुक्त बस व्यवसायी संघ, सार्वजनिक सिद्धार्थ यातायात व्यवसायी संघ, सुनसरी यातायात व्यवसायी संघ, ॐ साईराम बस व्यवसायी संघ, संयुक्त पारवहन व्यवसायी संघ (ट्रक), ॐ साई संघ (म्याजिक), बिक्रम टेम्पो सिन्डिकेट, हिमाली यातायात व्यवसायी संघ, माथिल्लो सगरमाथा बस व्यवसायी संघ (प्रधान कार्यालय, कोटेश्वर), हिमाल तराई बस व्यवसायी संघ (प्रधान कार्यालय, बनेपा), मध्य पहाडी बस व्यवसायी संघ (प्रधान कार्यालय, सिन्धुली), संखुवासभा यातायात व्यवसायी संघ, चैनपुर यातायात व्यवसायी संघ र हिमाल पहाड तराई संयुक्त रात्रि तथा दिवा बस व्यवसायी संघ

प्रदेश–२
सगरमाथा यातायात संघ, सगरमाथा ट्रक ढुवानी यातायात व्यवसायी समिति, सप्तकोसी माइक्रो व्यवसायी संघ, ॐ साई माइक्रो व्यवसायी संघ, हनुमाननगर म्याजिक व्यवसायी संघ, संयुक्त रात्रि बस व्यवसायी संघ, स्वतन्त्र टेम्पो व्यवसायी संघ, पूर्वी हिमाली यातायात संघ, सगरमाथा जिप, भ्यान तथा मिनिमाइक्रो यातायात व्यवसायी संघ र सगरमाथा बस व्यवसायी संघ

प्रदेश–३
पासाङ ल्हामु यातायात सेवा समिति, नगर यातायात सेवा समिति, ललितपुर मिनिबस व्यवसायी संघ, नारायणी यातायात व्यवसायी संघ, टेम्पो तथा मझौला यातायात व्यवसायी संघ, मध्यमाञ्चल पेट्रोलियम ढुवानी व्यवसायी संघ, मध्यमाञ्चल यातायात व्यवसायी संघ, मकवानपुर ढुवानी व्यवसायी संघ, मकवानपुर पेट्रोलियम डिलर्स एसोसिएसन, डीपी सेवा यातायात, नेपाल यातायात, थानकोट यातायात, दहचोक यातायात, जनता यातायात, मातातीर्थ मच्छेगाउँ यातायात, स्वयम्भू यातायात, अन्नपूर्ण टेम्पो समिति, सामाखुसी माइक्रो बस समिति, बालाजु माइक्रो बस समिति, बालाजु मिनिबस, जम्बो हाइस, कागबेनी यातायात, बिहानी यातायात, हिमाल तराई पहाड यातायात, गोर्खा माइक्रो यातायात, सिटी यातायात, पाँचपोखरी यातायात, कान्तिपुर यातायात, बूढानीलकण्ठ यातायात, बसुन्धरा यातायात, टोखा ठहरे यातायात, कीर्तिपुर मिनि यातायात, दक्षिणकाली यातायात, बीपी यातायात सेवा समिति, अग्नि यातायात सेवा, भक्तपुर मिनिबस सेवा समिति, सुगम यातायात, शुभयात्रा यातायात, वेलकम यातायात, साइनो यातायात, शुभम यातायात, हेटौंडा सुमो सेवा, हाम्रो सुमो सेवा, हाम्रो सुमो, मझौला सुमो सेवा, हाम्रो वोम दिव्य, काठमाडौं सुमो सेवा, दहचोक यातायात, लालीगुराँस सुमो, भेरी यातायात, बागेश्वरी यातायात, कृष्णसार यातायात, नमस्ते नेपाल यातायात, काँक्रे बिहार यातायात, धौलागिरी यातायात, गण्डकी यातायात, राप्ती यातायात, पृथ्वी राजमार्ग यातायात समिति, मध्यपश्चिम यातायात, सुदूरपश्चिम यातायात, महाकाली यातायात, नारायणी यातायात, पश्चिम नेपाल यातायात, रोलवालिङ यातायात, हेलम्बु यातायात सेवा समिति, हिमाल तराई यातायात सेवा समिति, काभ्रे मिनिबस व्यवसायी संघ, काभ्रे बस सेवा समिति, अरनिको यातायात व्यवसायी समिति, आमा हयोल्मो यातायात समिति, हेलम्बु यातायात समिति, हिमशिखर यातायात समिति, सुनकोसी यातायात व्यवसायी समिति, जलवीरे यातायात समिति, बाह्रबिसे यातायात समिति, बागबेली यातायात, बिहानी यातायात, मध्यउपत्यका बस व्यवसायी संघ, ललितपुर मिनिबस व्यवसायी संघ, सिटी यातायात व्यवसायी संघ, संयुक्त यातायात सञ्चालक समिति, साँखु बस व्यवसायी समिति, नेपाल यातायात मिनिबस सेवा समिति, धुम्रबराह यातायात प्रा.लि., ग्यास तथा मझौला यातायात व्यवसायी संघ, भक्तपुर मिनिबस सेवा समिति, मध्यपुर यातायात सद्भाव समिति, महालक्ष्मी चक्रपथ यातायात व्यवसायी समिति, बालाजु मिनिबस व्यवसायी समिति, उपत्यका स्वयम्भू बस व्यवसायी समिति, बूढानीलकण्ठ यातायात प्रा.लि., कीर्तिपुर सेवा समिति, कीर्तिपुर मिनिबस व्यवसायी संघ, काभ्रे मिनिबस सेवा समिति, काभ्रे बस व्यवसायी समिति, अरनिको यातायात सेवा समिति, जनता यातायात सेवा समिति, बीपी राजमार्ग सेवा समिति, हिमाल तराई यातायात सेवा समिति, कान्तिपुर यातायात व्यवसायी संघ, चितवन टेम्पो, माइक्रो तथा मिनिबस व्यवसायी समिति, चितवन यातायात व्यवसायी संघ, ॐ शान्तिमाइक्रो तथा मिनिबस व्यवसायी समिति, मध्य नेपाल यातायात व्यवसायी संघ, नेपाल यातायात व्यवसायी समिति, चितवन ट्याक्सी व्यवसायी समिति, चौतारी यातायात व्यवसायी समिति, चितवन माइक्रो व्यवसायी समिति, सिन्धुली यातायात व्यवसायी सेवा समूह, बीपी राजमार्ग यातायात सेवा समिति, मध्यपहाडी पुष्पलाल लोकमार्ग सडक यातायात सेवा समिति, सिन्धुली चकमके तिलपुङ सडक यातायात सेवा समिति, फिक्कल यातायात सेवा समिति, मध्य तराई यातायात सेवा समिति, कमलामाई यातायात सेवा समिति, मरिण कमला जनमैत्री यातायात सेवा समिति, सिन्धुलीगढी यातायात सेवा समिति, सिटी भिलेज यातायात सेवा समिति

प्रदेश–४
नेपाल यातायात व्यवसायी राष्ट्रिय महासंघ, गण्डकी अञ्चल समिति, पृथ्वी राजमार्ग बस सञ्चालक समिति पोखरा बस व्यवसायी समिति, ट्याक्सी व्यवसायी समिति, बेगनास ताल बस सञ्चालक समिति, स्थानीयशृङ्ग बस सञ्चालक समिति, गण्डकी यातायात व्यवसायी समिति, आँधिखोला यातायात समिति, कालीगण्डकी यातायात व्यवसायी समिति, गण्डकी यातायात बस व्यवसायी समिति, लमजुङ कालिका बस समिति, यातायात व्यवसायी समिति, आरामदायी माइक्रो बस समिति, मस्र्याङी यातायात व्यवसायी समिति, व्यासभूमि यातायात व्यवसायी समिति, पर्वत यातायात व्यवसायी समिति, लेकबेसी यातायात व्यवसायी समिति, नवलपुर जिप तथा मिनिबस व्यवसायी समिति, म्याग्दी जिप तथा बस सञ्चालक समिति, म्याग्दीकाली यातायात व्यवसायी समिति, म्याग्दी ट्याक्सी व्यवसायी समिति, धौलागिरि अञ्चल बस व्यवसायी समिति, धौलागिरि अञ्चल जिप व्यवसायी समिति, धौलागिरि अञ्चल ट्याक्सी व्यवसायी समिति

प्रदेश–५
मध्य नेपाल यातायात व्यवसायी समिति, देउराली यातायात व्यवसायी समिति, पश्चिम नेपाल बस व्यवसायी समिति, स्वर्गद्वारी सार्वजनिक यातायात व्यवसायी समिति, जलजला यातायात व्यवसायी समिति, कपिलवस्तु यातायात व्यवसायी समिति, कृष्णनगर यातायात व्यवसायी समिति, सिद्धार्थ यातायात व्यवसायी समिति, पश्चिम नेपाल बस व्यवसायी समिति, बुटवल यातायात व्यवसायी समिति, पश्चिमाञ्चल यातायात व्यवसायी समिति (ट्रक), लुम्बिनी ट्रक व्यवसायी समिति, कृष्णसार बस व्यवसायी समिति, राप्ती सार्वजनिक यातायात व्यवसायी समिति, अम्बिकेश्वरी यातायात व्यवसायी समिति, तुलसीपुर जिप तथा मिनीमाइक्रो बस व्यवसायी समिति, तुलसीपुर ट्याक्सी
व्यवसायी समिति, देउखुरी ट्याक्सी व्यवसायी समिति, स्वर्गद्वारी टिप्पर व्यवसायी समिति, संयुक्त ट्रक व्यवसायी समिति, पश्चिम नेपाल बस व्यवसायी संघ, गुल्मी यातायात व्यवसायी संघ, रेसुङ्गा मिनीमाइक्रो व्यवसायी समिति, पश्चिम नेपाल बस व्यवसायी समिति, श्रीनगर यातायात समिति, रामपुर यातायात समिति, भेरी अञ्चल यातायात व्यवसायी समिति, सार्वजनिक भेरी यातायात समिति, बागेश्वरी यातायात व्यवसायी समिति, सनराइज यातायात व्यवसायी समिति, नमस्ते नेपाल यातायात व्यवसायी समिति, भेरी अञ्चल टेम्पो, जिप, भ्यान यातायात व्यवसायी संघ, प्रधान कार्यालय, नेपालगन्ज, बाँके, पूर्व पश्चिम यातायात व्यवसायी संघ, प्रधान कार्यालय कोहलपुर, भेरी अञ्चल ट्रक, मिनिट्रक, ट्यांकर यातायात व्यवसायी समिति, प्रधान कार्यालय, नेपालगन्ज, बाँके ट्रक तथा मिनिट्रक यातायात व्यवसायी समिति, सल्यान–रुकुम यातायात व्यवसायी समिति

प्रदेश–६
भेरी गंगा यातायात व्यवसायी संघ, भेरी, कर्णाली ट्रक तथा ट्यांकर व्यवसायी संघ, मध्यपश्चिम यातायात व्यवसायी समिति, कर्णाली यातायात व्यवसायी संघ, काँक्रेबिहार यातायात व्यवसायी संघ, कर्णाली रिभर, सुदूर पश्चिम यातायात व्यवसायी, देउती नागरिक प्रा.लि., सुर्खेत बुलबुले प्रा.लि., ज्वाला यातायात प्रा.लि., हिमाल यातायात व्यवसायी संघ,
भेरी, कर्णाली ट्रक तथा ट्यांकर व्यवसायी संघ

प्रदेश–७
महाकाली सेती बस तथा मिनिबस व्यवसायी समिति, महाकाली सेती यातायात व्यवसायी समिति, पवनदूत यातायात व्यवसायी समिति, सुदूरपश्चिम यातायात व्यवसायी समिति, मालिका यातायात व्यवसायी समिति, सुदूर पश्चिमाञ्चल यातायात व्यवसायी संघ, कर्णाली रिभर साइट यातायात व्यवसायी समिति, सेती सार्वजनिक यातायात व्यवसायी समिति, उग्रतारा यातायात व्यवसायी समिति

प्रकाशित : वैशाख २४, २०७५ ०७:१८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?