मोदी भ्रमण: ट्विटरमा नाकाबन्दी ट्रेन्डिङ

कान्तिपुर संवाददाता

काठमाडौँ — ग्यासका सिलिन्डरको सडकमा लामो लाइन । सकी नसकी काठको मुडा बोकेर हिँडेकी महिला । र, पेट्रोल पम्पअघिल्तिर रातभरी जाग्राम बसेका युवाहरुको जुलुश । 

फाइल तस्बिर

अहिलेको काठमाडौंको चित्र यस्तो छैन। निलो शिरिष (ज्याकारान्डा) फुलिरहेको सितल सहरमा सामाजिक सञ्जाल भने माथि उल्लिखित तस्बिरलाई लिएर तातेको छ। यी तस्विर हुन् २०७२ को असोजमा शुरु भएको नाकाबन्दीको। नेपालको संविधानसभाले २०७२ असोज ३ गते नयाँ संविधान जारी गरेपछि यसको विरोधमा मधेसकेन्द्रीत दलहरुले आन्दोलन सुरु गरेका थिए। यही आन्दोलनको समर्थन गर्दै भारतले करीब ५ महिना नेपालमाथि अघोषित नाकाबन्दी लगाएको थियो।
भूकम्पका कारण चीनसँग नेपाल जोड्ने प्रमुख नाका तातोपानी बन्द भएका बेला भारतले लगाएको नाकाबन्दीले नेपाली जनजीवनलाई निकै गहिरोसँग प्रभावित पारेको थियो।

Yamaha


शुक्रबार नेपाल भ्रमणमा आउन लागेका भारतीय प्रधानमन्त्री नरेन्द्र मोदी नेतृत्वको सरकारले नै त्यो नाकाबन्दी लगाएको भन्दै सामाजिक सञ्जालमा उनलाई नाकाबन्दी सम्झिन आग्रह गर्दै निकै ट्विट र स्टासटसहरु लेखिएका छन्।

सामाजिक सञ्जाल ट्विटरमा मोदीको भ्रमणको अघिल्लो दिन ‘#BlockadeWasCrimeMrModi’ नामक ह्यासट्याग नेपाल ट्रेन्डिङमा १ नम्बरमा रह्यो। साँझ ८ बजेर २० मिनेटसम्म यो ह्यासट्यागमा २४ हजार ३ सय वटा ट्विट भएका थिए। नाकाबन्दी र मोदीलाई नै जोडेर अरु पनि ह्यासट्यागमा ट्विट भएका छन्। फेसबुकमा पनि थुप्रैले स्टासस र फोटो पोस्ट गरेका छन्।

नाकाबन्दी बेला जनताले भोगेका दुखको स्मरण गर्दै मोदीले माफी माग्नुपर्ने यो ह्यासट्यागमा ट्विट गर्नेहरुले उल्लेख गरेका छन्। धेरैले नाकाबन्दीको बेलाका तस्बिरहरु पनि पोस्ट गरेका छन्।

भ्रमणको पूर्वसन्ध्यामा मोदीले ‘समृद्ध नेपाल सुखी नेपाली’ अभियानमा भारत सहयोगी हुने भनेर ट्विट गरे पनि नेपाली ट्विटर प्रयोगकर्ताको ठूलो संख्या भने नाकाबन्दीबाहेक भारतीय सुरक्षाकर्मीले नेपालमा गरेको रेकीको समेत विरोधमा देखिए।

Esewa Pasal

प्रकाशित : वैशाख २७, २०७५ २०:२६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

नुवाकोटको पञ्चकन्या माविलाई जग्गादान

कान्तिपुर संवाददाता

नुवाकोट — जिल्लाको पञ्चकन्या गाउँपालिका-३ मा रहेको पञ्चकन्या माध्यमिक विद्यालयलाई एक दम्पतीले जग्गा र खानेपानी योजना गरी ७ लाख बराबरको दान गरेका छन् ।

सहयोग दाता मानबहादुर (भरत) कार्की र उनकी श्रीमती सीता कार्कीले विद्यालयलाई पाँच लाख मूल्यबराबरको १ रोपनी जग्गा र खानेपानी सुविधा दिलाएका हुन् । बिहीबार जग्गा र खानेपानी सुविधा प्रतिनिधि सभाका सांसद् एवं माओवादी केन्द्रका केन्द्रीय सचिवालय सदस्य हितबहादुर तामाङको उपस्थितिमा विद्यालयलाई हस्तान्तरण गरिएको हो । कार्की दम्पतीले जग्गाको लालपूर्जा, नगद १५ हजारसहित विद्यालय व्यवस्थापन समिति अध्यक्षसमेत रहेका पञ्चकन्या गाउँपालिकाका अध्यक्ष तेजबहादुर तामाङलाई हस्तान्तरण गरेका थिए ।

तीन किलोमिटर दूरीमा रहेको मुहानमा ट्यांकी बनाइ विद्यालयका बालबालिकाका लागि खानेपानी सुविधा पुर्‍याइएको छ । खानेपानी ट्यांकी, पाइप, धारा जडानका लागि करिब दुई लाख रुपैयाँ खर्च भएको कार्कीले सुनाए ।

कार्यक्रमलाई सम्बोधन गर्दै सांसद हितबहादुर तामाङले शिक्षा र खानेपानी क्षेत्रमा कार्की दम्पतीले पुर्‍याएको योगदान प्रशंसनीय रहेको बताए । उनले समाज र देश विकासको प्रमुख आधार शिक्षा क्षेत्र भएको उल्लेख गर्दै सामुदायिक विद्यालयको शैक्षिक गुणस्तरीयता बढाउन सबैले सहयोग पुर्‍याउनुपर्नेमा जोड दिए ।

सहयोगदाता कार्कीले विद्यार्थीलाई स्वच्छ खानेपानी र कक्षा ११ र १२ अध्ययन/अध्यापन गराउने कार्यमा मद्दत मिलोस् भन्ने उद्देश्यले दान दिएको बताए ।

प्रकाशित : वैशाख २७, २०७५ २०:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT