प्रदेश ३ सांसद लामिछानेको निधन
काठमाडौँ — आइतबार दिउँसो अत्याधिक रक्तचाप बढेपछि उपचारका लागि काठमाडौंको सिनामंगलस्थित काठमाडौं मेडिकल कलेज तथा शिक्षण अस्पतालमा भर्ना गरिएका प्रदेश ३ का प्रदेशसभा सांसद हरीशरण लामिछानेको मतिष्तक घातका कारण निधन भएको छ ।
भक्तपुर क्षेत्र १ 'ख' का एमाले सांसद लामिछानेको केएमसी सघन उपचार कक्षमा भेन्टीलेटरमा राखेर उपचार प्रयास भइरहँदा निधन भएको हो ।
उनको स्वास्थ्य अवस्था बारे जानकारी लिन सोमबार बिहान प्रधानमन्त्री केपी शर्मा ओली तथा उर्जा, जलस्रोत तथा सिंचाइ मन्त्री वर्षमान पुन अस्पताल पुगेका थिए ।
भक्तपुर एमाले जिल्ला कमिटीका सचिवसमेत रहेका ५१ वर्षिय लामिछानेको श्रीमती, एक छोरा र तीन छोरी छन् । उनको आजै पशुपतिको अार्यघाटमा अन्त्यष्टी गरिने छ ।
प्रतिक्रिया
