मकालु एयरको जहाज दुर्घटनाः दुवै पाइलटको मृत्यु [अपडेट]

शव बोकेको हेलिकोप्टर उड्यो
कलेन्द्र सेजुवाल, सुरज कुँवर

सुर्खेत/काठमाडौँ — मकालु एयरको सिंगल इन्जिनयुक्त जहाज बुधबार बिहान हुम्लाको खार्पुनाथ गाउँपालिकाको बाहुनखर्कमा दुर्घटना भएको छ । जहाजका क्याप्टेन किरण भट्टराई र को-पाइलट आदित्य नेपालीको मृत्यु भएको छ । शव बोकेको हेलिकोप्टर घटनास्थलबाट उडिसकेको कर्णाली प्रदेश प्रहरी प्रमुख डिआइजी सुरेश शाहले जानकारी दिए ।

तस्बिर सौजन्यः विजय लामा

९एन एजेयु कलसाइनको जहाज बिहान ६:१२ बजे सुर्खेतबाट कार्गो सामान लिएर हुम्लाको सिमकोटका लागि उडेको थियो। दुर्घटनास्थल सिमकोटदेखि १०.७ नटिकल माइल दक्षिण–पश्चिम राया र थालीको बीचमा पर्छ। डिआइजी शाहले जहाज तीन टुक्रा भएको अवस्थामा भेटिएको बताए।

जहाज हराएको सूचना पाउने बित्तिकै नेपाल प्रहरी र नेपाली सेनाको टोली खोजमा खटेको थियो। बाजुरा, मुगु र हुम्ला प्रहरीले आ–आफ्नो क्षेत्रमा खोजी गरेका थिए। तर, स्थानीयले जहाज देखेको सूचना दिएपछि सिमकोटबाट नेपाल प्रहरीका असई, नागरिक उड्डयन प्राधिकरणका एकजना कर्मचारी र दुईजना मेडिकल सदस्य रहेको टोली त्यहाँ पुगेको थियो। टोलीले शव निकाल्न नसकेपछि सिमकोटबाट हेलिकोप्टरमा थप जनशक्ति लिएर हेलिकोप्तर त्यसतर्फ गएको थियो। घटनास्थल समुद्री सतहदेखि १२,८०० फिट उचाईमा अवस्थित छ।

Yamaha

यसअघि त्रिभुवन विमानस्थलका महाप्रबन्धक राजकुमार क्षत्रीले बाजुरा तर्फ कर्णाली नदीको तीरमा जहाजले फोर्स ल्यान्डिङ गरेको अपुष्ट खबर विमानस्थलको उद्दार समन्वय केन्द्र (आरसीसी) मा आएको बताएका थिए।

क्षत्रीको अपुष्ट सूचनापछि बाजुराका प्रमुख जिल्ला अधिकारी कान्तिपुर संवाददातालाई चेतराज बरालले हुम्लाकोअदानचुली-५ हिला चौर आसपासमा दुर्घटना भएको हुनसक्ने जानकारीगराएकाथिए।

यो एयरलाईन्स क्याप्टेन फिजु नेपालीको हो। यसअघि सिता एयर बेचेर फिजुले मकालु एयरलाइन्स किनेका थिए।

यो कार्गो जहाज हो। सुर्खेत हब भएको यो एयरलाइन्सले मध्य र सुदुरपश्चिमका हिमाली जिल्लामा चार्टर सेवा दिँदै आएको छ ।

*त्रिभुवन विमानस्थलका महाप्रबन्धक राजकुमार क्षेत्रीले बाजुरामा दुर्घटना भएको भन्ने सूचनाका आधारमा हामीले समाचार तयार पारेका थियौं। तर उक्त सूचना गलत भएको र दुर्घटनास्थल हुम्लामा रहेको विमानस्थलका प्रवक्ता प्रेमनाथ ठाकुरले जानकारी दिएपछि पहिलाको समाचार हटाएका छौं। यसबाट पाठकहरुमा पर्न गएको असुविधाप्रति हामी क्षमा माग्दछौं।

प्रकाशित : जेष्ठ २, २०७५ ०९:०१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

हुम्ला सदरमुकाम उडेको मकालु एयरलाइन्सको जहाज सम्पर्क बाहिर

सुरज कुँवर

काठमाडौँ — सुर्खेतबाट हुम्ला सदरमुकाम सिमकोट उडेको मकालु एयरलाइन्सको जहाज सम्पर्कविहीन भएको छ । बुधबार बिहान ६ बजेर १२ मिनेटमा सुर्खेत विमानस्थलबाट उडेको उक्त जहाज २ घण्टा वितिसक्दा पनि सम्पर्कमा छैन । त्रिभुवन विमानस्थलका प्रवक्ता प्रेमनाथ ठाकुरका अनुसार उक्त जहाज बिहान ६ बजेर ५५ मिनेटमा सिमकोट अवतरण गर्नुपर्ने थियो । उनले भने, 'उक्त समयमा अवतरण भएको छैन । जहाज सम्पर्क बाहिर छ । थप स्थिति बुझ्ने काम भइरहेको छ ।'

९एन एजेयु कल साइन भएको उक्त जहाजमा चालकदलका २ सदस्य मात्रै थिए। जहाज क्याप्टेन किरण भट्टराई र को-पाइलट आदित्य नेपालीले उडाएका थिए।

यो एयरलाईन्स क्याप्टेन फिजु नेपालीको हो। यसअघि सिता एयर बेचेर फिजुले मकालु एयरलाइन्स किनेका थिए।
यो कार्गो जहाज हो। त्यसो त यो जहाजले चार्टर्ड गरेर मध्य र सुदुरपश्चिमका हिमाली जिल्लामा यात्रु ओसार्ने काम पनि गर्ने गर्थ्यो।

मकालुसँग २ वटा सिंगल इन्जिन भएको जहाज थियो तर पछि समिट एयरसँग एउटा जहाज किनेर ३ वटा बनाएको थियो। उक्त एयरलाइन्सले सुर्खेत र नेपालगन्जलाई आधार बनाएरमध्य र सुदुर पश्चिमका पहाडी र हिमाली जिल्लामाउडान भर्दै आएको थियो।

हराइरहेको जहाज खोज्न सुर्खेतबाट हेलिकप्टर पठाइएको छ।

दुई वर्षअघि २०७३ सालकोसाउन २० गते पनि मकालु एयरको सेस्ना–२०८ ग्रान्ड क्याराभान हवाईजहाजको इन्जिनले काम गर्न छाडेपछि फोर्स ल्यान्डिङ गराउन खोज्दा कर्णाली नदीमा बजारिएको थियो । उक्त दुर्घटनापछि त्यसका चालक सांगे लामा तथा सहचालक प्रशान्त शाह दुर्घटनाग्रस्त विमानबाट हाम्फालेर बाँचेका थिए ।


प्रकाशित : जेष्ठ २, २०७५ ०८:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT