कामिरिता विश्व किर्तिमान राख्दै २२ औं पटक सगरमाथा शिखरमा

कुम्भराज राई

ओखलढुंगा — कामिरिता शेर्पाले २२ औं पटक सगरमाथा शिखरमा पाइला राख्दै विश्व रेकर्ड राखेका छन् । बुधबार बिहान ८ बजेर ३० मिनेटमा आरोहण गरेर उनले यसअघि २१ पटक सगरमाथा शिखरमा पुगेर आप्पा शेर्पाको विश्व किर्तिमानी तोडेका छन् ।

कामिरिताले आरोहणमा जानु अघि आफूले आप्पाको किर्तिमान तोड्न नभई काम र बाध्यताले जान लागेको बताएका थिए। पासाङल्हामु गाउँपालिका– ५, थामे सोलुखुम्बुका ४८ वर्षिय कामिरिता अब संसारको अग्लो शिखरमा सबैभन्दा बढी पाईला राख्ने आरोही बनेका छन्।
उनलाई सामाजिक सञ्जालमा देश विदेशदेखि शुभकामनाको ओइरो आउन थालेको छ।

कामिरिताले सगरमाथा चढ्न थालेको सन् १९९२ देखि हो। उनले पहिलो सफल आरोहण १९९४ मे १३ तारिखका दिन गरेका थिए। चारवर्ष उनले ‘रोप फिक्सिङ’ (क्याम्प २ देखि शिखरसम्म डोरी टाँग्ने) टोलीको नेतृत्व गरे। उनले एकै साल दुईपटक सम्म आरोहण पनि गरे।

Yamaha

सन् २०१२ मा रोप फिक्सिङ गरेर फर्किएपछि चौथो शिविरबाट विदेशी टोलीलाई चुचुरोमा पुर्‍याए। तर उनले त्यसवर्ष दुईपटक आरोहण गरेको प्रमाणपत्र पाएनन्। उनले ८ हजार मिटरको ५ वटा हिमाल चढिसकेका छन्। संसारकै जोखिमपूर्ण भनिएको पाकिस्तानको माउन्ट केटु सन् २०१४ मा आरोहण गरे। त्यसैगरि ल्होत्से, चोयु र मनास्लु चढिसकेका छन्।

आप्पा पछि खुम्जुङका फुर्वाटासी शेर्पाले २१ पटक नै सगरमाथा चढेका थिए। आप्पाले सन् २०११ बाटै आरोहण छोडे। फुर्वाले सन् २०१३ बाट छोडे। त्यसपछि निरन्तर बढी पटक आरोहण गर्ने कामिरिता एक्ला आरोही हुन्।

प्रकाशित : जेष्ठ २, २०७५ १३:०४
ADVERTISEMENT
प्रतिक्रिया
पठाउनुहोस्

कञ्चनपुरको गड्डाचौकी नाकाबाट आधा किलो सुनसहित २ पक्राउ

भवानी भट्ट

कञ्चनपुर — नेपालबाट भारततर्फ तस्करी भइरहेको ५ सय ग्राम सुनसहित दुईजना भारतीय नागरिक पक्राउ परेका छन् । कञ्चनपुरका भन्सार कार्यालयले गड्डाचौकी नाकाबाट बुधबार बिहान भारतीय नम्बरको गाडीमा सुन तस्करी गरिरहेका दुईजनालाई पक्राउ गरेको हो । 

एच आर १२ एएफ ०००६ नम्बरको कारको डिग्गीमा झोलाभित्र लुकाईराखेका अवस्थामा उक्त सुन बरामद गरिएको कञ्चनपुर भन्सार कार्यालयका प्रमुख मदन दाहालले बताए। उनका अनुसार सुन तस्करीमा संलग्न हरियाणाका जितेन्द्र शैन र सुरेन्द्र कुमारलाई पक्राउ गरि आवश्यक अनुसन्धान सुरु गरिएको छ।

देशभर नै सुन तस्करीले व्यापक चर्चा पाइरहेका बेला देशकै पश्चिमी नाकाका रुपमा रहेको गड्डाचौकीबाट पहिलोपटक भारततर्फ लगिँदै गरेको अवस्थामा सुन बरामद गरिएको हो।

‘यो नाकाबाट सानो तिनो मात्रामा सुन भारततर्फ तस्करी हुने गरेको सूचना आइरहन्थ्यो,’ भन्सार अधिकृत दाहालले भने, ‘तर यसपटक ठुलो परिमाणमा बरामद गर्न सफल भयौं।’ उनले यसअघि पनि अपुष्ट सूचना आए पनि तस्करसम्म पुग्न नसकिएको बताए।

सुन तस्करीमा प्रयोग भएको गाडी वैसाख ३१ मा ४ दिनको भन्सार बनाएर नेपाल पसेको देखिन्छ। बरामद गरिएको सुन नजिकैको बजारबाट ल्याएको हुनसक्ने भन्सार कार्यालयको अनुमान छ। पक्राउ गरिएका दुवैजनासँग बयान लिने काम भइरहेको र त्यसपछि थप केहि खुल्न सक्ने प्रमुख भन्सार अधिकृत दाहालले बताए।


प्रकाशित : जेष्ठ २, २०७५ १२:५८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT