सम्पादकहरुको अन्तर्राष्ट्रिय समाज अध्यक्षमा राणा

कान्तिपुर संवाददाता

ललितपुर — साप्ताहिक पत्रिकाका सम्पादकहरुको संस्था अन्तर्राष्ट्रिय समाजको नेपालमा ७ जना पदाधिकारी रहने गरि शाखा गठन भएको छ । 

समाजको नेपालस्थित शाखाका अध्यक्षमा देशान्तर साप्ताहिक प्रधानसम्पादक कविर राणा भएका छन् । उपाध्यक्षमा दमौली एक्सप्रेस साप्ताहिक सम्पादक प्रदीप काफ्ले भएका छन् । सदस्यहरुमा मूलधार साप्ताहिक सम्पादक एवं नेपाल पत्रकार महासंघ महासचिव रमेश विष्ट, मोर्चा साप्ताहिक सम्पादक एवं नेपाल पत्रकार महासंघ २ नम्बर प्रदेश अध्यक्ष दिपेन्द्र चौहान, देशान्तर साप्ताहिक सम्पादक विष्णुप्रसाद देवकोटा, नौलो विहानी साप्ताहिक सम्पादक तुला अधिकारी र चियाँबारी साप्ताहिक सम्पादक सोम अधिकारी छन् ।

समाज सन् १९५५ मा अमेरिकामा स्थापना भएको थियो ।

बेलायत, अष्ट्रेलिया, आयरल्याण्ड, क्यानडालगायत देशका साप्ताहिक पत्रिकाका सम्पादकहरु सदस्य रहेता पनि नेपालमा शाखा गठन गरिएको पहिलो हो । समाजले साप्ताहिक पत्रिकाको हक, हितको बारेमा आवाज उठाउने र नवगठित नेपाल शाखाले नेपाली साप्ताहिक पत्रिकाहरुको विकास प्रवर्द्धन गर्ने उद्देश्य बोकेको जनाइएको छ ।

प्रकाशित : जेष्ठ २, २०७५ १८:१३
ADVERTISEMENT
प्रतिक्रिया
पठाउनुहोस्

रुस र क्रिमिया जोड्ने विवादस्पद पुलमा पुटिनले ट्रक चलाए

कान्तिपुर संवाददाता

काठमाडौँ — रुसी राष्ट्रपति भ्लादमिर पुटिनले रुस र क्रिमिया जोड्ने एउटा विवादस्पद पुल मंगलबार उद्घाटन गरेका छन् । पुटिनले सुन्तला रंगको कमाज ट्रक कुदाउदै पुलको उद्घाटन गरेका हुन् । १९ किलोमिटर लामो उक्त पुल रसिया र युरोपको सबैभन्दा लामो पुल हो ।

करिब ३ अर्ब ६० करोड डलर खर्च गरेर बनाइएको यो पुल सञ्चालनमा आएसँगै रसिया र क्रिमियाको स्थलमार्ग जोडिएको छ। सन् २०१४ मा युक्रेनबाट अलग्गिएर क्रिमिया रसियासँग गाभिएको थियो।

रसियासँग गभिएपछि युक्रेनले क्रिमियामाथि नाकाबन्दी लगाएको थियो। क्रिमियामा खाद्यन्न तथा अन्य महत्वपूर्ण सामग्रीहरु पठाउन रुसले जलमार्गको प्रयोग गर्दै आएको थियो। पुल सञ्चालनमा आएसँगै जलमार्गको प्रयोग घट्ने बताइएको छ।
यो वर्षको डिसेम्बरमा पुल निर्माण कार्य सम्पन्न हुने बताइएपनि निर्धारित समयभन्दा ६ महिनाअघि पुल निर्माण भएको क्रिमियाले जनाएको छ।

यसैबीच, पुल निर्माणको विषयलाई लिएर युक्रेनले विरोध जनाएको छ। पुल निर्माण कार्यले वातावरणलाई असर पुर्‍याएको जनाउदै युक्रेनले एजोभ समुद्र हुँदै आफ्नो बन्दरगाहमा ठूला जहाजहरु आउन नसक्ने बताएको छ।

प्रकाशित : जेष्ठ २, २०७५ १७:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT