बुधबार ९४ आरोही सगरमाथा शिखरमा

कान्तिपुर संवाददाता

ओखलढुंगा — यसवर्षको आरोहण सिजन धमाधम चलिरहेको छ । सगरमाथा शिखरमा बुधबार ९४ आरोहीले पाइला टेके जसमध्ये ४१ विदेशी र ५३ नेपाली छन् ।


उनीहरु सकुशल शिखरमा पुगेको पर्यटन मन्त्रालयका प्रतिनिधि तथा सम्पर्क अधिकृत ज्ञानेन्द्र श्रेष्ठले पुष्टि गरेका छन्। श्रेष्ठ आफै आधारशिविरमा बसेर आरोहणको अवस्थाबारे अपडेट गरिरहेका छन्।

गत आईतबार मात्र आठजना शेर्पाले चुचुरोसम्म डोरी टाँगेपछि आरोहण धमाधम हुन थालेको हो। सोमबार करिब ४० जना शिखर चुम्न सफल भएका थिए। मंगलबार आरोहण हुन सकेन। बुधबार कुल ९४ ले शिखर चुमेसँगै १ सय ४२ ले यो सिजनमा सगरमाथा आरोहण गरिसकेका छन्। त्यसमध्ये केही आरोही तिब्बती मोहडा पनि चढेका छन्।

नेपाल स्काउटमा आबद्ध झापाका अनिश लुईटेलले मंगलबार शिखर चुमे। उनले स्काउटको झण्डासहित सगरमाथा शिखर चुमेको बताइएको छ। दुई वर्षअघि लुईटेलले नेपालतर्फको मोहडाबाट नेपालको संविधान २०७२ लाई चुचुरोमा पुर्‍याएका थिए। त्यसैगरि कामिरिता शेर्पाले सबैभन्दा बढी पटक अर्थात २२ औं आरोहण बुधबार गरेका छन्। अन्य आरोहीहरु आरोहणका लागि धमाधम उकालो लागिरहेको सम्पर्क अधिकृत श्रेष्ठले बताए।

यो सिजनमा सगरमाथा आरोहणका लागि ३८ समूहका ३ सय ४६ आरोही छन्। अनुमति लिएका ३८ समूह मध्ये ४ समूह नेपाली आरोहीको छ। चार समूहमा जम्मा २० नेपाली आरोही छन्। अबको करिब दुई साता भित्र आरोहण भईसक्नेछ। अंग्रेजी मे महिनाको अन्तिमसम्ममा सगरमाथा आरोहण गरिसक्ने चलन छ।

प्रकाशित : जेष्ठ २, २०७५ १८:३२
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सम्पादकहरुको अन्तर्राष्ट्रिय समाज अध्यक्षमा राणा

कान्तिपुर संवाददाता

ललितपुर — साप्ताहिक पत्रिकाका सम्पादकहरुको संस्था अन्तर्राष्ट्रिय समाजको नेपालमा ७ जना पदाधिकारी रहने गरि शाखा गठन भएको छ । 

समाजको नेपालस्थित शाखाका अध्यक्षमा देशान्तर साप्ताहिक प्रधानसम्पादक कविर राणा भएका छन् । उपाध्यक्षमा दमौली एक्सप्रेस साप्ताहिक सम्पादक प्रदीप काफ्ले भएका छन् । सदस्यहरुमा मूलधार साप्ताहिक सम्पादक एवं नेपाल पत्रकार महासंघ महासचिव रमेश विष्ट, मोर्चा साप्ताहिक सम्पादक एवं नेपाल पत्रकार महासंघ २ नम्बर प्रदेश अध्यक्ष दिपेन्द्र चौहान, देशान्तर साप्ताहिक सम्पादक विष्णुप्रसाद देवकोटा, नौलो विहानी साप्ताहिक सम्पादक तुला अधिकारी र चियाँबारी साप्ताहिक सम्पादक सोम अधिकारी छन् ।

समाज सन् १९५५ मा अमेरिकामा स्थापना भएको थियो ।

बेलायत, अष्ट्रेलिया, आयरल्याण्ड, क्यानडालगायत देशका साप्ताहिक पत्रिकाका सम्पादकहरु सदस्य रहेता पनि नेपालमा शाखा गठन गरिएको पहिलो हो । समाजले साप्ताहिक पत्रिकाको हक, हितको बारेमा आवाज उठाउने र नवगठित नेपाल शाखाले नेपाली साप्ताहिक पत्रिकाहरुको विकास प्रवर्द्धन गर्ने उद्देश्य बोकेको जनाइएको छ ।

प्रकाशित : जेष्ठ २, २०७५ १८:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT