संयुक्त पार्टीको नाम नेपाल कम्युनिष्ट पार्टी नै रहने
काठमाडौँ — नेकपा एमाले र माओवादी केन्द्रबीच बन्ने संयुक्त पार्टीको नाम नेपाल कम्युनिष्ट पार्टी नै रहने भएको छ ।
बिहीबार बसेको दुई पार्टीको पार्टी एकता संयोजन समितिको बैठकले पनि पार्टीको नाम नेकपा नै रहने निर्णय गरेको छ ।
यसअघि निर्वाचन आयोगमा ऋषि कट्टेलको नाममा नेपाल कम्युनिष्ट पार्टी दर्ता भएको भन्ने खवरसंगै नाममा आशंका भएको थियो ।
यद्यपी नेताहरुले हाललाई संयुक्त पार्टीको नाम नेपाल कम्युनिष्ट पार्टी नै रहने र त्यही नाममा निर्वाचन आयोगमा दर्ता गरिने उल्लेख जनाएको छ ।
चुनाव चिह्न सूर्य हुने भएको छ ।
प्रकाशित : जेष्ठ ३, २०७५ १६:३१प्रतिक्रिया