नेकपाको नाममा दल दर्ता गरेकामा आपत्ति

कान्तिपुर संवाददाता

काठमाडौँ — कम्युनिस्ट नेता ऋषि कट्टेल अध्यक्ष रहेको नेपाल कम्युनिस्ट पार्टीले एमाले र माओवादी एकीकृत भई बनेको ‘नेपाल कम्युनिस्ट पार्टी’ लाई कानुनविपरीत निर्वाचन आयोगले दर्ता गरेको भन्दै आपत्ति जनाएको छ ।

‘संविधान र राजनीतिक दलसम्बन्धी ऐनमा आयोगमा दर्ता कायम रहेको दलको नाम र चुनाव चिह्नसँग मिल्ने गरी अर्को दल दर्ता हुन नसक्ने प्रस्ट व्यवस्था छ,’ कट्टेलले जारी गरेको विज्ञप्तिमा भनिएको छ, ‘एउटै नाममा दुईवटा दर्ता गर्न मिल्दैन ।’

कानुन छल्न आयोगले एकीकृत पार्टीको नामको मुनि धर्सो तानेर दल दर्ताको निवेदन दिन लगाएको आरोपसमेत कट्टेलले लगाएका छन् ।

Citizen

प्रकाशित : जेष्ठ ६, २०७५ २०:३०
ADVERTISEMENT
प्रतिक्रिया
पठाउनुहोस्
ADVERTISEMENT

यातायातका कर्मचारी नियन्त्रणमा

रासस

काठमाडौँ — अख्तियार दुरुपयोग अनुसन्धान आयोगले यातायात व्यवस्था विभाग ललितपुरमा कार्यरत चार जनालाई नियन्त्रणमा लिएको छ । 

आयोगका प्रवक्ता दीर्घराज मैनालीकाअनुसार सवारी चालक अनुमतिपत्रको ट्रायल परीक्षामा उर्तीण गराइदिने भन्दै सेवाग्राहीसँग पैसा लिने प्रहरी नायब निरीक्षक श्रीराम तिवारी, खरिदार कमल स्याङतान तथा सहयोगीद्वय हपरबहादुर थापा र मीनबहादुर तामाङलाई पक्राउ गरिएको हो ।

सवारी चालकको अनुमतिपत्र दिने प्रयोजनमा उनीहरुले पैसा लिएर परीक्षामा सहभागी नै नगराई उर्तीण गराउने गरेका थिए । उनीहरु मध्ये तिवारी यही जेठ ४ गते र अन्य आज पक्राउ परेका हुन् ।

यस्तै आयोगले हुम्लाको साविक मैला र मदना गाविसका हाल ताजाकोट गाउँपालिका– ५ का वडासचिव गोपालचन्द्र लामालाई रु २४ लाख ५० हजार सामाजिक सुरक्षा भत्तामा हिनामिना गरेको अभियोगमा आज पक्राउ गरिएको छ ।

सचिव लामाले सामाजिक सुरक्षा भत्ता र पूँजीगत रकम हिनामिना गरी व्यक्तिगत लाभ लिएको अभियोगमा पक्राउ गरी अनुसन्धान सुरु गरिएको आयोगले जनाएको छ ।

प्रकाशित : जेष्ठ ६, २०७५ २०:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT