सय रुपैयाँ बक्यौताले लियो बृद्धको ज्यान

पवन यादव

निजगढ — अहिलेको समयमा एक सय रुपैयाँले खासै महत्व राख्दैन । एक सय रुपैयाँले सामान्य खाजा पाउन समेत मुश्किल पर्छ । तर, एक सय रुपैयाँको लेनदेनको विषयमा कलैया उपमहानगर पालिका १२ विश्वम्भरपुरमा दुई पक्षबीच भएको झडपले एक बृद्धको ज्यान लिएको छ ।

प्रतिकात्मक तस्बिर

अहिलेको समयमा एक सय रुपैयाँले खासै महत्व राख्दैन । एक सय रुपैयाँले सामान्य खाजा पाउन समेत मुश्किल पर्छ । तर एक सय रुपैयाँको लेनदेनको विषयमा कलैया उपमहानगर पालिका १२ विश्वम्भरपुरमा दुई पक्षबीच भएको झडपले एक बृद्धाको ज्यान लिएको छ ।

Yamaha


कुरा सय रुपैयाँ बक्यौताको हो । मैनेजर प्रसाद साहको खेतमा मख्खन साहको पम्पसेटबाट पानी हालिएको थियो । त्यसबापत मैनेजरले मख्खनलाई सय रुपैयाँ दिन बाँकी थियो । बुधवार साँझ मख्खनले मैनेजरसंग उक्त रकम मागेका थिए । ‘मख्खनले पैसा तिरेर जान भनेपछि वादविवाद भएको थियो,’ एक स्थानीयले भने, ‘त्यही विवाद बढेर हात हालाहाल हुन पुग्यो ।' त्यही बेला मख्खनका छोरा २० वर्षीय दिपक साहले आक्रोशित भई बासको चिरपट झिकेर मैनेजरको टाउकोमा प्रहार गरेको स्थानीयले बताएका छन् ।

चिरपट प्रहारबाट गम्भीर चोट लागेका ६५ वर्षीय मैनेजरलाई कलैया अस्पतालमा प्राथमिक उपचार गरी थप उपचारको लागी बीरगंज पुर्‍याईएको थियो । त्यहाँ पनि उपचार हुन नसकेपछि राजधानीस्थित न्यूरो अस्पताल पुर्‍याईएको थियो । उपचारको क्रममा बिहीबार काठमाडौंमै उनको मृत्यु भएको परिवारले जनाएको छ । मृतकको शव अन्तिम संस्कारका लागि राजधानीबाट घर कलैया ल्याउँदै गरेको आफन्तले बताए ।

घटनापछि पीडक पक्ष स्थानीय मख्खन साह कानु, उनको २० वर्षीय छोरा दिपकलगायत परिवारका अधिकांश सदस्य घर छाडेर भागेका छन् । घटनामा संलग्नहरु फरार रहेको र घटनाबारे थप अनुसन्धान सुरु गरिएको जिल्ला प्रहरी कार्यालय बाराका प्रवक्ता डिएसपी रन्जित सिंह राठौरले बताए ।
खेतमा सिचाई गरेवापतको रकम मध्ये एक सय रुपैयाँ लेनदेनको विषयमा दुबै पक्षबीच भएको सामान्य वादविवादले उग्र रुप लिंदा उक्त घटना भएको प्रारम्भिक अनुसन्धानबाट खुलेको प्रहरीले जनाएको छ । सय रुपैयाँको लागि भएको वादविवादमा ज्यानै जानु अमानवीय कार्य भएको नागरिक समाज बाराका अध्यक्ष उमेशलाल दासले बताए ।

‘सामान्य लेनदेनमा यस्तो घटना हुनु दु:खद हो,’ उनले भने, ‘सामान्य वादविवादमा आवेशलाई रोक्न नसक्दा बृद्ध मैनजरले ज्यान गुमाए ।’

Esewa Pasal

प्रकाशित : जेष्ठ २४, २०७५ १८:४४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

प्रदेश नं. २ को सरकारलाई दिएको समर्थन कायमैः राजपा

कान्तिपुर संवाददाता

काठमाडौँ — राष्ट्रिय जनता पार्टी (राजपा) नेपालले प्रदेश नं २ को सरकारलाई दिएको समर्थन यथावत् रहने स्पष्ट पारेको छ ।राजपा अध्यक्ष मण्डलको बिहीबार बसेको बैठकले प्रदेश नं २ को सरकारकाविरुद्ध कुनै पनि प्रकारले अनावश्यक टिप्पणी नगर्न सम्पूर्ण पार्टीपंक्तिलाई निर्देशन दिइने निर्णय गरेको छ ।

राजपा नेपाल सम्मिलित मुख्यमन्त्री लालबाबु राउत नेतृत्वको सरकारमा आफ्नो पार्टीको समर्थन, सहयोग र सहभागिता निरन्तर रहने निर्णय बैठकले गरेको छ, अध्यक्ष मण्डलका संयोजक महन्त ठाकुरद्वारा बिहीबार जारी विज्ञप्तिमा भनिएको छ, “मधेस आन्दोलनको भावना, मधेशी जनताको चाहना र जनादेशसमेतलाई ध्यानमा राखी विभिन्न उत्तारचढावबीच राजपाले प्रदेश सरकारलाई दिएको समर्थन जारी राख्दै सरकारमा सहभागी भएर अगाडि बढ्ने निर्णय गरेको छ ।”

बुधबार राजपाका महासचिव एवं प्रदेशसभा सदस्य मनिषकुमार सुमनले प्रदेश नं २ को फोरम नेतृत्वको सरकारबाट आफ्नो पार्टी बाहिरिने अभिव्यक्ति दिएका थिए ।


प्रकाशित : जेष्ठ २४, २०७५ १८:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT