अनिवार्य सेवा अवधि घटाऊ : डा. केसी

कान्तिपुर संवाददाता

काठमाडौँ — डा. गोविन्द केसीले स्नातकोत्तर तहपछि छात्रवृत्तिका विद्यार्थीले गर्नुपर्ने अनिवार्य सरकारी सेवाको अवधि ५ वर्षको सट्टा २ वर्ष बनाउन माग गरेका छन् । 

डा. केसीले विज्ञप्ति जारी गर्दै हाल छात्रवृत्तिमा ५ वर्षे स्नातक तहका कार्यक्रमपछि २ वर्ष अनिवार्य सेवामा खटाउने गरिएको उल्लेख गर्दै ३ वर्षे स्नातकोत्तरपछि त्यसभन्दा बढीको अनिवार्य सुविधा व्यावहारिक र जायज नहुने जनाएका छन् । उनले चिकित्सा शिक्षा ऐन जारी हुँदा अनिवार्य सेवाको अवधि दुई वर्ष कायम गरिनुपर्ने बताएका हुन् ।

Yamaha

चिकित्सा शिक्षा अध्यादेश दोस्रोपटक जारी भइसके पनि उचित रूपमा त्यसको प्रतिस्थापन विधेयक ल्याउने काममा राजनीतिक दलले आलटाल गरिरहेको आरोप उनले लगाएका छन् । प्रतिस्थापन विधेयकमार्फत चिकित्सा शिक्षा ऐन जारी गर्दै चिकित्सा शिक्षा आयोगलाई पूर्णता दिन छाडेर शिक्षा मन्त्रालयले हचुवाका भरमा साझा प्रवेश परीक्षा र सिट निर्धारणसम्बन्धी सूचना निकालेको जनाउँदै उनले आपत्ति पकट गरेका छन् ।

चिकित्सा शिक्षा आयोग पूर्ण रूपमा सक्रिय नभएसम्म अहिले काउन्सिल र विश्वविद्यालयले गरिरहेको काम यथावत् राख्नुको विकल्प नरहेको समेत जनाएका छन् । चिकित्सा शिक्षासम्बन्धी न्यायिक जाँचबुझ आयोगको प्रतिवेदन तुरुन्त सार्वजनिक गरेर सबै निकायका दोषी पदाधिकारीलाई आयोगको सिफारिसअनुसार कारबाही गर्न पनि उनले माग गरेका छन् ।

Esewa Pasal

प्रकाशित : जेष्ठ २४, २०७५ २१:२५
ADVERTISEMENT
प्रतिक्रिया
पठाउनुहोस्
ADVERTISEMENT

कान्जिरोबा र ल्याब फाइनलमा

कान्तिपुर संवाददाता

काठमाडौँ — सेतीओपी अन्तरस्कुल फुटबल प्रतियोगिताको उपाधिका लागि ल्याबोरेटोरी र कान्जिरोबा स्कुल भिड्ने भएका छन् । 

मोडर्न इन्डियन स्कुलको मैदानमा बिहीबार सेमिफाइनलमा ल्याबले पुष्पसदन स्कुलमाथि ३–२ को रोचक जित दर्ता गर्‍यो । एकतर्फी दोस्रो सेमिफाइनलमा कान्जिरोवाले कोलम्बसलाई ५–० ले हरायो ।

कोटेश्वर सेतीओपी युवा क्लबद्वारा आयोजित प्रतियोगिताको फाइनल शनिबार हुनेछ । उत्कृष्ट खेलाडीले २० हजारबराबरको छात्रवृत्ति पाउनेछ ।

प्रकाशित : जेष्ठ २४, २०७५ २०:४८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT