यूएन पार्कमा गुण्डालाई नियन्त्रणमा लिन प्रहरीले गोली चलायो

महाशाखा प्रमुख एसएपी धिरजप्रताप सिंहका अनुसार लामालाई दायाँ घुँडा मुनी गोली लागेको छ । उनलाई प्रहरीको टोलीले नियन्त्रणमा लिएर उपचारका लागि वीर अस्पताल पुर्‍याएको सिंहले बताए ।

एसएसपी सिंहका अनुसार प्रहरीले लामालाई पछ्याउँदै जाँदा उनले प्रतिकार गर्न खोजेपछि प्रहरी टोलीले गोली चलाएको हो । लामाको साथबाट एक पेस्तोल र २ थान गोली पनि बरामद भएको छ ।

लामाले सातदोबाटोदेखि भैंसिपाटीसम्म विभिन्न व्यापारी तथा घरजग्गा प्लटिङ व्यवसायीसँग धम्काएर पैसा असुल गर्ने देखि अवैध रुपमा जुवा खेलाउने कार्यमा संलग्न रहेको प्रहरीको आरोप छ ।

उनीसँगै रहेका २ जना भाग्न सफल भएको प्रहरीले जनाएको छ।