संसदमा शून्य समय सुरु

कान्तिपुर संवाददाता

काठमाडौँ — प्रतिनिधि सभामा बिहीबारदेखि शून्य समय सुरु भएको छ । शून्य समयमा बाेल्ने सांसदहरुले मुल्यबृद्धि आकाशिएकाले नियन्त्रण गर्न सरकारसंग माग गरेका छन् । 

एक मिनेटको शून्य समयमा बोल्दै सांसद अमनलाल मोदीले दैनिक उपभोग्य वस्तुको चरम मुल्यबृद्धि र हाहाकार भएको बताए। ‘चर्को मुल्यबृद्धिमा मौनता हैन, सशक्त अनुगमन होस्,’ उनले भने।
त्यस्तै, अर्का सांसद अमरेशकुमार सिंहले सरकार र ब्यापारीको मिलिभगत भएकाले मुल्यबृद्धि भएको आरोप लगाए।

Yamaha


नेकपाका पूर्व प्रमुख सचेतक खगराज अधिकारीले बजारमा कृतिम अभाव रहेको, सिण्डिकेट कायम रहेकाले सरकारले अनुमगन गरी कारबाही गर्नुपर्ने बताए।

प्रतिपक्षका अर्का सांसद प्रकाश रसायलीले सरकारले कर बढाएकाले ब्यपारीले कमाउन मुल्यबृद्धि गरेको बताए।

शून्य समयमा ७ जना सांसदले बोलेका थिए। संसदमा अहिले सरकारले पेश गरेको बिनियोजन बिधेयकमाथि छलफल जारी छ। बिहीबार संस्कृति पर्यटन तथा नागरिक उड्ययन, युवा तथा खेलकुद र अर्थ मन्त्रालयको बिनियोजित बिधेयक माथि छलफल भइरहेको छ।

शून्य समयमा सांसदले उठाएका प्रश्नको जवाफ सम्बन्धित मन्त्रीले ५ दिनभित्र दिनुपर्ने संसदको नियमावलीमा ब्यवस्था गरिएको छ।

प्रकाशित : जेष्ठ ३१, २०७५ १२:५९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

प्रतिनिधिसभा बैठकः समसामयिक विषयमा सरकारको ध्यानाकर्षण गराउँदै सांसद

कान्तिपुर संवाददाता

काठमाडौँ — प्रतिनिधिसभा वैठकमा विनियोजन विधेयकमाथिको छलफल बिहीबार पनि जारी छ । विभिन्न शीर्षकमाथि जारी छलफलअन्तर्गत आज संस्कृति, पर्यटन तथा नागरिक उड्डयन मन्त्रालय, युवा तथा खेलकूद मन्त्रालय र अर्थमन्त्रालयको बजेटमा सांसदले धारणा राख्दै छन् । 

आजको बैठकमा शून्य समयमा बोल्दै सांसदहरुले समसामयिक र विकास निर्माणबारे सरकारको ध्यानाकर्षण गराए।

सांसदहरु अतहर कमाल मुसलमान, अमनलाल मोदी, अमरेशकुमार सिंहलगायतले विकास निर्माणका काम, दैनिक उपभोग्य वस्तुको उपलब्धता, पेट्रोलियम पदार्थको मूल्यवृद्धि, तराईलगायत क्षेत्रमा वर्षात्को समयमा अपनाउनुपर्ने सतर्कता, सम्भावित जोखिम व्यवस्थापनलगायतका विषयमा धारणा राखे।

सांसद इन्दुकुमारी शर्माले बलात्कारजन्य अपराधका दोषीलाई कारवाही गरिनुपर्ने बताइन् भने अर्की सांसद उमा रेग्मीले संविधानको पालना हुनुपर्नेमा जोड दिइन्। त्यस्तै, सांसद खगराज अधिकारीले सडकलगायत क्षेत्रको एकाधिकार ‘सिण्डिकेट’ तोडी जनताको पक्षमा काम गरिनुपर्ने धारणा राखे।

प्रकाशित : जेष्ठ ३१, २०७५ १२:१६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT