५० हजार घूससहित रोजगार विभागका कर्मचारी पक्राउ

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले वैदेशिक रोजगार विभागको अनुसन्धान शाखामा कार्यरत रामप्रसाद ढुंगानालाई ५० हजार घूससहित बिहीबार दिउँसो पक्राउ गरेको छ । 

आयोगको टोलीले ढुंगानालाई कार्यकक्षबाटै पक्राउ गरेको हो । उनले वैदेशिक रोजगार कार्यालयबाट विज्ञापन गर्न अनुमति नपाएको म्यानपावरले कामदार भर्ना प्रक्रिया सुरु गरेको मुद्दामा अनुसन्धान गरेका थिए । त्यही फाइलमा लेनदेन गर्ने क्रममा अख्तियारले ढुंगानालाई घूससहित पक्राउ गरेको जनाएको छ ।

Yamaha

प्रकाशित : जेष्ठ ३१, २०७५ १८:२४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

जथाभावी बाटो काट्नाले दुर्घटनाको जोखिम 

विद्या राई

काठमाडौँ — सवारीको चाप बढेपनि पैदलयात्रुले जहाँ पायो त्यहिबाट बाटो काट्ने गरेका छन् । कतिपय पैदलयात्रु ट्राफिक नियम सम्बन्धि जानकारी नभएकाले जेब्रक्रसबाटो बाटो काट्दैनन् भने कतिले थाहा पाएरै पनि हेलचक्र्याइ गर्छन् ।  


जेब्रा क्रस २० मिटर पर भएपनि बीचैमा सडक पार गर्छन्। यसले दुर्घटनाको जोखिम अत्यधिक बढाउने गरेको छ। महानगरीय ट्राफिक प्रहरी महाशाखाका अनुसार दुर्घटनामा मृत्यु हुने मध्ये ४० प्रतिशत पैदल यात्रु रहेका छन्।

चालकको लापारबाहीले सबैभन्दा बढि दुर्घटना हुने गरेको छ। महाशाखाको तथ्याकंअनुसार आर्थिक बर्ष ०७४/०७५ बैशाखसम्म उपत्यकामा चार हजार आठ सय ८४ दुर्घटना चालककै लापारबाहीले भएको थियो। तिब्रगतिमा, मापसे, यान्त्रिक गड्बढी, ओभरटेक, पैदलयात्रुको लापारबाही, तोडफोड, सडकको अवस्थाका कारण पनि दुर्घटना हुने गरेको छ।

चालु आबमा पैदलयात्रुको लापारबाहीले चार वटा दुर्घटना भए। बैशाखसम्ममा पाँच हजार एक सय ८० दुर्घटना भएकामा एक सय ४९ को ज्यान गयो। एक सय ८४ गम्भीर घाइते भए। तीन हजार तीन सय ८५ सामान्य घाइते भए।






प्रकाशित : जेष्ठ ३१, २०७५ १८:०७
पूरा पढ्नुहोस्
प्रतिक्रिया
पठाउनुहोस्
ADVERTISEMENT