नेकपाको सांगठनिक एकता छिट्टै

नेकपाले जनवर्गीय र तल्ला कमिटीलाई एक हुन आह्वान गर्ने र विवाद भए महासचिवलाई जानकारी गराउन अपिल गरेको छ ।

बैठकले पार्टी एकता एक अद्वितीय, असाधारण र विशिष्ट घटना भएकाले त्यसका आधारमा अघि बढ्नुपर्नेमा जोड दिँदै सांगठिक एकीरकणको प्रक्रियालाई छिटोभन्दा छिटो अघि बढाउने निष्कर्ष निकालेको प्रवक्ता श्रेष्ठले बताए । बैठकमा महासचिव विष्णु पौडेलले एकतापछि भएका सांगठनिक कामहरुका बारेमा जानकारी गराएका थिए ।

महासचिव पौडेलको संयोजकत्वमा गठित नियमावली मस्यौदा कार्यदलले बुझाएको मस्यौदा दुई साताभित्र पारित गर्ने निर्णय पनि भएको छ । मस्यौदामाथि स्थायी कमिटी सदस्यहरुले १० दिनभित्र आफ्ना राय–सुझावहरु दिने र केन्द्रीय सचिवालयले सुझावहरु समेटेर तयार पारेको प्रस्ताव १५ दिनभित्र स्थायी कमिटीको बैठकबाट पारित गर्ने तय भएको छ ।

बैठकमा अध्यक्ष तथा प्रधानमन्त्री केपी ओलीले चीन भ्रमणबारे जानकारी गराएका थिए । उनले चीनसँग १३ विषयमा समझदारी गर्ने तयारी भएको जानकारी दिएका थिए ।

नेकपाले बजेटमा सत्तारुढ सांसदहरुका असन्तुष्टि सम्बोधन गर्न मन्त्रीहरुसँग छलफल गर्ने र बजेट संशोधन गर्ने निर्णय गरेको छ ।