स्थानीय तहले पाएको विकास–निर्माणसम्बन्धी संवैधानिक अधिकारमाथि हस्तक्षेप गर्दै संघीय सरकारले झैं पाँचवटा प्रदेशले पनि विवादास्पद ‘निर्वाचन क्षेत्र विकास’ र सांसदका लागि बजेट छुट्टयाएका छन् ।
पछिल्लो तीन वर्षयता मुग्लिन–नारायणगढ सडकका यात्रीले भोगेको कष्ट बयान गरिसाध्य छैन । एसियाली मापदण्डअनुरुप विस्तार गर्ने क्रममा खनिएको सडक बर्खामा हिलोले पार गर्नै मुस्किल थियो । त्यसमाथि पहाड काटिँदा ठाउँठाउँमा पहिरो खस्नु सामान्य हुन पुग्यो ।
भारत सरकारको सहयोगमा सञ्चालित जनकपुर रेल्वे विस्तार तथा स्तरोन्नति परियोजनाको काम अन्तिम चरणमा छ । १० अर्बभन्दा बढीको यो परियोजना दुई वर्ष ढिला भए पनि यस वर्ष (सन् २०१८) भित्र जनकपुरवासीको ब्रोडगेज रेल चढने सपना पूरा हुने छाँट देखिएको छ ।
संघीय संसद्मा दुवै सभाका सदस्यहरू रहने गरी दुईवटा संयुक्त समिति रहने तय भएको छ । संंघीय संसदको संयुक्त बैठक र समितिहरूको कार्यसञ्चालन नियमावली मस्यौदा आइतबार प्रतिनिधिसभा र राष्ट्रिय सभाको संयुक्त बैठकमा पेस गरिएको छ ।
केन्द्रमा पहुँच नहुँदा विकासमा पछि परेको गुनासो गरिरहने जिल्लावासी आफ्नै जिल्लामा जन्मिएका केपी ओली दुई पटकसम्म प्रधानमन्त्री भइसक्दा पनि उत्साहित हुन सकेका छैनन् ।
संघीय मामिला तथा सामान्य प्रशासन मन्त्रालयले आइतबार २१ जना सहसचिवको सरुवा गरेको छ । सामान्य प्रशासनमन्त्री लालबाबु पण्डितका स्वकीय सचिव ओसिम आलमका अनुसार सरुवा गरिएकामध्ये धेरैलाई प्रदेशका मन्त्रालयको सचिवको जिम्मेवारी दिइएको छ ।
राष्ट्रियसभाका ५९ जना सांसदको कार्यकाल सोमबार हुने गोलाप्रथाबाट निर्धारण हुँदैछ । गोलाप्रथाबाट १९ जनाको दुई वर्ष, २० जनाको ४ वर्ष र २० जनाको ६ वर्ष पदावधि निर्धारण गर्न लागिएको हो ।
नेपाली कांग्रेस जिल्ला सभापतिहरुको हेटौडामा हुने राष्ट्रिय भेलाको तयारी अन्तिम चरणमा पुगेको छ । सोमबारसम्म भेलाको तयारी पुरा हुने कांग्रेस मकवानपुरले जनाएको छ ।
सरकारले प्रशासकीय अदालतको सम्बन्धमा व्यवस्था गर्न बनेको विधेयक संसदमा पेश गरेको छ । कर्मचारीको सरुवा, बढुवा र अवकास सम्बन्धी हुने मुद्दाको अन्तिम किनारा लगाउन प्रशासकीय अदालतलाई थप जिम्मेवारी दिइएको विधेयक कानुन न्याय तथा संसदीय मामिला मन्त्री शेरबहादुर तामाङले आइतबार राष्ट्रिय सभामा पेश गरेका हुन् ।
अरुण तेस्रोको सुरुङ खन्ने क्रममा पुरिएका ४ जनाको आइतबार जीवितै उद्धार गरिएको छ ।मकालु गाउँपालिकाको फ्याक्सिन्दामा पुरिएका उनीहरुको ३९ घण्टा पछि जीवितै उद्धार गरिएको हो ।
संघीय संसद्अन्तर्गत प्रतिनिधिसभाले आफ्नै नियमावलीमा भएको व्यवस्था कार्यान्वयन गर्न आलटाल गरेको छ । प्रत्येक महिनाको पहिलो र तेस्रो हप्तामा बस्ने बैठकमा प्रधानमन्त्रीलाई प्रश्न सोध्न सकिने व्यवस्था भएपनि प्रतिनिधिसभाको आइतबारको बैठकमा उक्त विषयको कार्यान्वयन नभएको हो ।
बीपी राजमार्गमा ठूला ढुवानीका साधन चलाउन रोक लगाएपछि रामेछापमा खाद्यान्नका गोदाम रित्तिएको भन्दै व्यवसायी र सर्वसाधारणले रित्ता थाल ठटाउँदै आइतबार बिहान मन्थलीमा प्रदर्शन गरेका छन् ।
महाकाली नदीमा आएको बाढीले दार्चुला सदरमुकाम खलंगामा वितण्डा मच्चाएको ५ वर्ष बिते पनि तटीय क्षेत्रका बासिन्दामा त्रास कायमै छ । यसपटक पनि वर्षा सुरु भइसकेकाले उनीहरू त्रासैत्रासमा रात बिताउन बाध्य छन् ।
डोल्पाको जगदुल्ला गाउँपालिका भएर यार्चा टिप्न जाने संकलकबाट शे–फोक्सुन्डो राष्ट्रिय निकुञ्जले प्रवेश शुल्कबापत करिब ४१ लाख रुपैयाँ संकलन गर्यो । तर, यसको एक रुपैयाँ पनि गाउँपालिकाले पाएन ।
अस्थायी शिक्षकको आन्तरिक परीक्षा स्थगित गरेको शिक्षक सेवा आयोगले खुलातर्फ १२ हजार ७ सय ३९ पदका लागि विज्ञापन गरेको छ । आयोगका प्रशासकीय प्रमुख तुलसीप्रसाद थपलियाका अनुसार प्राथमिक तहमा ९ हजार ९ सय ९६, निमाविमा १ हजार ६ सय ३५ र माविमा १ हजार १ सय ८ संख्यामा विज्ञापन खुलाइएको हो ।
जनताले तिरेको करबाट चिकित्साशास्त्रमा स्नातकोत्तर अध्ययन गरेपछि राज्यले खटाएको ठाउँमा पाँच वर्ष अनिवार्य सेवा गर्नुपर्ने प्रस्तावित प्रावधानप्रति डाक्टरहरूले असन्तुष्टि जनाएका छन् । उक्त प्रावधान घटाएर दुई वर्ष कायम गर्न उनीहरूले दबाब दिएका छन् ।
बुङमती फर्सिडोलका ४९ वर्षीय ज्ञानुराज तुलाधरको डडीफाँटमा एक रोपनी २ आना खेत छ । त्यही खेतमा उब्जेको अन्नबाट उनका परिवारले जीविकोपार्जन गर्दै आएका छन् ।
संघीय संसद्को संयुक्त बैठक आइतबार बस्दै छ ।मन्त्रिपरिषद्को सिफारिसमा राष्ट्रपति विद्यादेवी भण्डारीले आइतबार ४ बजे संयुक्त बैठक आह्वान गरेकी हुन् । संयुक्त कार्यसञ्चालन नियमावली पारित गर्न बैठक बोलाइएको हो ।
कांग्रेसभित्र नेतृत्व परिवर्तनको मुद्दा उठिरहेका बेला त्यसैलाई बल पुग्ने गरी पार्टीमा सभापति शेरबहादुर देउवाको प्रभाव खुम्चिन थालेको छ । हालै सम्पन्न तीन भ्रातृसंस्थाको निर्वाचन परिणामले देउवाको प्रभाव घट्दै गएको पुष्टि गरेको हो ।
सत्तारूढ नेपाल कम्युनिस्ट पार्टी (नेकपा) का सांसदहरूले आफ्नै दलको सरकारले आर्थिक वर्ष २०७५/७६ का लागि ल्याएको बजेटप्रति तीव्र असन्तुष्टि जनाएका छन् । उनीहरूले चुनावी घोषणापत्र र नीति तथा कार्यक्रमलाई बजेटले बिर्सिएको भन्दै अर्थमन्त्रीको आलोचना गरे ।
तराई द्रुतमार्ग (एक्सप्रेस वे) को विस्तृत परियोजना प्रतिवेदन (डीपीआर) निर्माणका लागि प्रस्ताव दर्ता गराएका १७ मध्ये ६ कम्पनी पहिलो चरणमा सूचीकृत भएका छन् । द्रुतमार्ग निर्माणको जिम्मा पाएको नेपाली सेनाले साढे ३ महिनाको समय राखेर प्रस्ताव माग गरेकामा एक नेपालीसहित १७ कम्पनी इच्छुक देखिएका थिए ।
प्रदेश ४ समन्वय परिषद् बैठकमा मनाङको नेस्याङ गाउँपालिका उपाध्यक्ष मेङ्खु गुरुङले स्थानीय तहलाई तोकिएको अधिकार लिन नसकेको गुनासो पोखिन् । उनले अन्नपूर्ण संरक्षण क्षेत्र आयोजना (एक्याप) ले गर्दा काम गर्न गाह्रो परेको बताइन् ।
कैलाश मानसरोवर जाने तीर्थयात्रीका लागि रसुवागढी नाका सस्तो र सहज बन्दै गएको छ । यसै कारण यो नाका भएर मानसरोवर जाने भारतीय तीर्थयात्री बढेका छन् । अहिले यो नाकाबाट पर्यटकलाई मानसरोवर लैजाने १५ वटाजति ट्राभल र ट्रेकिङ एजेन्सी छन् ।
हेलम्बुको निगालेगाउँका छिरिङ लामा ह्योल्मो दुई दशकपछि स्याउ खेतीमा फर्किएका छन् । भारतको हिमाचलबाट ५ सय बिरुवा ल्याएर हेलम्बुमा स्याउ फर्काउन उनी कस्सिएका हुन् ।अज्ञात रोगले स्याउ सखाप भएपछि खेती नै छाडेका किसान पुन: स्याउ खेतीमा जुटेका छन् ।
२९.१२°C काठमाडौं
