सर्वोच्चको आदेशबिरुद्ध रामेछापमा प्रदर्शन 

टीकाप्रसाद भट्ट

रामेछाप — बीपी राजमार्गमा ठूला ढुवानीका साधन चलाउन रोक लगाएपछि रामेछापमा खाद्यान्नका गोदाम रित्तिएको भन्दै व्यवसायी र सर्वसाधारणले रित्ता थाल ठटाउँदै आइतबार बिहान मन्थलीमा प्रदर्शन गरेका छन् । 

सर्वोच्च अदालतको अन्तरिम आदेशले खाद्यान्न ओसारपसार गर्ने बीपी राजमार्गमा मालबाहक गाडी संचालन रोकिएपछि १२ दिन देखि रामेछापमा खाद्यान्न लगायतका सामग्री ढुवानी हुन सकेको छैन। बर्षातका लागि भण्डारण गरेका सामग्री सकिएको व्यवसायीले बताएका छन्।

Yamaha

तराईबाट पहाड जोड्ने एकमात्र राजमार्गमा सवारी संचालन रोकेपछि गोदाममा सामान थप्न नपाएको व्यवसायीले बताए। गोदाममा राखेका सामान सकिएपछि उनीहरुले आइतबार ‘खान पाउने अधिकार सुनिश्चिता’ को माग गर्दै रित्ता थाल ठटाएर प्रदर्शन गरेका हुन्।

बजार बन्द गरी प्रदर्शनमा निस्किएका व्यवसायी र सर्वसाधारणले मन्थली बजार परिक्रमा गरेका थिए । स्थानीय देवकोटाचोकमा भएको कोणसभामा व्यवसायीका अगुवाहरुले सर्वोच्चले आदेश नसच्चिए रामेछापबासी भोकभोकै मर्नुपर्ने बताए। जिल्लामा आवश्यक पर्ने करिब ७० प्रतिशत खाद्यान्न वीपी राजमार्ग हुँदै भित्रिने गरेकोमा हाल उक्त मार्ग ठप्प हुँदा त्यसको असर जिल्लामा देखापरेको व्यवसायीहरुको दाबी छ।

उक्त राजमार्गमा यस अघि ८ टन क्षमताका मालवाहक साधन संचालन हुँदै आएका थिए। ती साधनलाई समेत रोकेपछि ढुवानी ठप्प भएको हो। ४ टन क्षमताका साधनले ओसारेको भरमा जिल्लामा आवश्यक खाद्यान्न र अन्य सामग्रीको माग धान्न कठिनाइ हुने ब्यवसायी बताउँछन्। भूकम्पले भत्काएका संरचनाको पुननिर्माणका लागि साना सवारीमा फलामे छड ल्याउन सकिएको छैन।

भूबनौंट र साँघुरा घुम्ती भएको जनाउँदै बीपी राजमार्गमा ठूला सवारीसधान संचालनमा रोक लगाउन परेको रिटमा सर्वोच्च अदालतले अन्तरिम आदेश जारी गर्दै ठूला साधन संचालन नगर्न आदेश जारी गरेपछि रामेछापमा दिनहुँ आन्दोलन भइरहेको छ। शनिबार ढाकरसहितको जुलुस निकालेका थिए। सोमबार उनीहरुले अर्धनग्न जुलुुस निकाल्ने चेतावनी दिएका छन्।

Esewa Pasal

प्रकाशित : असार ३, २०७५ १०:१२
प्रतिक्रिया
पठाउनुहोस्
ADVERTISEMENT

मोटरसाइकल दुर्घटनामा दुईजनाको मृत्यु

रमेशकुमार पौडेल

चितवन — नारायणगढ मुग्लिन सडकमा आइतबार बिहान मोटरसाइकल दुर्घटना हुँदा दुईजनाको मृत्यु भएको छ ।

चितवन जिल्ला ट्राफिक प्रहरी कार्यालयका अनुसार मुग्लिन नजिक तीन नम्बर पुलमा बा ६२ प ३७०४ नम्बरको मोटरसाइकल दुर्घटना हुँदा त्यसमा सवार दुईजनाको निधन भएको छ।

उनीहरूको नाम ठेगना खुलेको छैन। बिहान सवा सात बजे दुर्घटना भएको थियो। मोटरसाइकल बाटोमा नै भए पनि मान्छेहरू सडकदेखि दुई सय मिटर तल खसेका थिए।

प्रकाशित : असार ३, २०७५ ०९:५३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT