पेट्रोलको मूल्य ३ रुपैयाँ घट्यो

खाना पकाउने ग्यासको मूल्य यथावत
राजु चौधरी

काठमाडौँ — नेपाल आयल निगमले इन्धनको मूल्य घटाएको छ । अन्तर्राष्ट्रिय बजारमा मूल्य घट्न थालेपछि आइतबार राती १२ बजेदेखि मूल्य घटाएको हो ।

‘भारतीय आयल निगम (आईओसी)ले पठाएको नयाँ मूल्य सूचीअनुसार पेट्रोल, डिजेल र मट्टितेलमा घटेको छ। सोहीअनुसार पेट्रोलमा ३ र डिजेल/ मटितेलमा २/२ रुपैयाँ घटाएका छौँ,’ निगमका प्रवक्ता विरेन्द्र गोइतले भने, ‘नयाँ मूल्यसूची आइतबार राति १२ बजेदेखि लागू हुनेछ।’

Yamaha

नयाँ मूल्यसूची अनुसार प्रतिलिटर पेट्रोलको मूल्य १ सय १० रुपैयाँ, डिजेल र मट्टितेल प्रतिलिटर ९३/९३ रुपैयाँ पुगेको छ। निगमले हवाई इन्धन र खाना पकाउने एलपी ग्यासको मूल्य भने यथावत राखेको छ। हाल हवाई इन्धन(आन्तरिक)को मूल्य प्रतिलिटर १ सय रुपैयाँ, अन्तर्राष्ट्रियतर्फ प्रतिलिटर १.०७५ अमेरिकी डलर छ।

एलपी ग्यासको मूल्य १३ सय ७५ रुपैयाँ तोकेको छ। मूल्य समायोजन गर्दा निगमको १५ दिनको घाटा ७ करोड ८६ लाख रुपैयाँ हुने प्रवत्ता गोइतले बताए। यसअघि निगमको घाटा १८ करोड ६२ लाख रहेको जनाएको थियो।

स्वचालित मूल्य २०७१ असोजबाट लागू भएको हो। आयल निगम अत्याधिक घाटामा गएपछि सरकारले स्वाचालित मूल्य लागू गरेको थियो। स्वाचालित मूल्य अनुसार भारतीय आयल निगम (आइओसी)ले १ र १५ तारिखमा नयाँ मुल्य पठाउँछ। सोही अनुसार मूल्य समायोजन गर्दे आएको निगमको दाबी छ।

Esewa Pasal

प्रकाशित : असार ३, २०७५ १८:०६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

पार्टीलाई नेतामुखीभन्दा नीतिमुखी बनाउन प्रदेश १ का कांग्रेसीको सुझाव

कान्तिपुर संवाददाता

मोरङ — विराटनगरमा आइतबार आयोजित प्रदेश १ स्थित १४ वटै जिल्लाका कांग्रेस सभापतिहरुको बैठकले हेटौडामा हुने जिल्ला सभापतिहरुको भेलामा पार्टीलाई नेतामुखीभन्दा नीतिमुखी बनाउन सामूहिक सुझाव दिने निर्णय गरेको छ ।

मोरङ कांग्रेसका सभापति डिगबहादुर लिम्बुले पार्टीलाई मजबुत बनाएर अहिलेको समय समापेक्ष बनाउन पार्टी नेतृत्वले कन्जुस्याइँ गर्न नहुने बताए। ‘प्रदेश १ बाट जिल्लागत नभई सामूहिक सुझाव दिने सहमति भएको छ,’ उनले भने, ‘महासमिति बैठकले पार्टीको विधान संशोधनबारे सुझाव संकलनका लागि आयोजित भेलामा पार्टीलाई मुलुकमा रहेको राज्य संरचना अनुसारको तीन तहको संरचनामा लग्ने प्रदेश १ को सुझाव रहनेछ।’

तेह्रथुमका कांग्रेस सभापति गोविन्द ढुंगानाले सबै कांग्रेसीहरुको एउटै भावना बनाउने गरी संविधान संशोधन गर्ने हाम्रो सुझाव रहने बताए। ‘पार्टी सभापतिहरुको भेलामा विधान संशोधनमा सबैको भावना समेटिनका लागि प्रदेश १ ले सामूहिक सुझाव राख्ने छ,’ उनले भने, ‘निर्वाचनमा पार्टीले किन हार व्यहोरेको र त्यसको जिम्मेवारी कसले लिने विषयमा बहस गर्नुभन्दा पनि अबको दिनमा कसरी एकमत भएर अघि बढ्ने बारेमा हाम्रो सुझाव रहन्छ।’

यस्तै, ओखलढुंगाका कांग्रेस सभापति प्रदिप सुनुवारले पार्टीको मजबुत सांगठनिक संरचनाका लागि विधान संशोधन र नेतामुखीभन्दा नीतिमुखी भएर पार्टीलाई अघि बढाउनु पर्ने सुझाव प्रदेश १ बाट सामूहिक रुपमा राखिने बताए।

प्रदेश १ का कांग्रेसका संसदीय दलका नेता तथा सुनसरी कांग्रेसका सभापति राजिव कोइरालाले पार्टीलाई सुदृढीकरण गरेर सही नेतृत्व प्रदान गर्न सहमति र विधान अनुसार अघि बढ्न पार्टी नेतृत्वलाई सुझाव दिने बताए।

उनले स्वेच्छाचारी भएर एकल निर्णयमा पार्टीलाई अघि बढाउँदा अहिले जस्तै स्थितिमा पुगिने भएकोले अब पनि सबैको भावनालाई समेटेर अघि बढने सुझाव प्रदेश १ ले जिल्ला सभापतिहरुको भेलामा दिने बताए।

प्रकाशित : असार ३, २०७५ १७:५५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्