विशेष अनुसन्धान समितिको म्याद थपियो

कान्तिपुर संवाददाता

काठमाडौँ — सरकारले सुन तस्करी र सनम शाक्य हत्या घटना अनुसन्धान गरी दोषीहरूलाई कारबाही गर्न गठित विशेष अनुसन्धान समितिको म्याद थप गरेको छ ।

मन्त्रिपरिषदको आइतबार बसेको बैठकले समितिको म्याद असार मसान्तसम्मका लागि थप गरेको हो।

Yamaha

गत चैत ३० मा मन्त्रिपरिषद्ले संगठित अपराध निवारण ऐन २०७० को दफा १२ अनुसार गृह मन्त्रालयका सहसचिव ईश्वरीराज पौडेलको नेतृत्वमा विशेष अनुसन्धान समिति गठन गरेको थियो। सुरुमा दिइएको ४५ दिनको समय अपर्याप्त भएपछि सरकारले समितिको म्याद थपेको हो।

खानेपानी संस्थानको बोर्ड सदस्य घटाइयो
सरकारले नेपाल खानेपानी संस्थानको बोर्ड सदस्य ९ जना मात्रै कायम गरेको छ। मन्त्रिपरिषद् बैठकले बोर्डमा १९ सदस्य रहेकामा १० जना कटौती गरी ९ जना मात्रै कायम राख्ने निर्णय गरेको हो। सरकारले उच्च सरकारी वकिलको कार्यालय ओखलढुंगा र वीरगन्जका लागि थप दरबन्दी स्वीकृत गरेको छ। उच्च अदालतको इजलास रहेका ती दुई जिल्लाका उच्च सरकारी वकिलको कार्यालयमा कर्मचारी अपुग भएपछि थप दरबन्दी स्वीकृत गरिएको जानकारी मन्त्रिपरिषद् स्रोतले दिएको छ।

Esewa Pasal

प्रकाशित : असार ३, २०७५ १९:२७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

क्रोएसियासामु नाइजेरिया निरीह

एएफपी

कालिनिन्ग्राड — लुका मोड्रिचको पेनाल्टी गोल र ओघेनेकारो एटेबोको आत्मघाती गोलसँगै क्रोएसियाले समूह ‘डी’ को खेलमा नाइजेरियालाई २–० ले पराजित गरेको छ । शनिबार युवा जोसमा उत्रेको नाइजेरियाले मिडफिल्डका हस्ती साथ पाएको क्रोएसियामाथि कुनै किसिमको दबाब बनाउन सकेन ।

समूहको पहिलो खेलमा अर्जेन्टिना र आइसल्यान्डले बराबरी खेलेपछि दुवै टोलीसमक्ष लिगको शीर्षस्थान हासिल गर्ने अवसर थियो । मोड्रिच र इभान राकिटिच सम्मिलित मिडफिल्डविरुद्ध बल पोसेसन राख्न संघर्ष गरेको नाइजेरियाले खेलको अधिकांश समय क्रोएसियाको आक्रमण निस्तेज पार्नमै बितायो ।

नाइजेरियाले बलियो रक्षात्मक रणनीति पेस गर्दै मोड्रिचका पासहरू विंग्ससम्म मात्र जान दियो । त्यसपछि अन्तिम पासमा भने क्रोएसियाले निरन्तर गल्ती गरिरह्यो ।

खेलको १० औं मिनेटमै फरवार्ड मारियो मान्जुकिचले दिएको पासमा इभान पेरिसिचको प्रहार पोस्टभन्दा थोरै माथिबाट बाहिरियो । सन् १९९८ विश्वकपमा सेमिफाइनलसम्म पुगेको क्रोएसियाले त्यसयता भने अपेक्षित नतिजा निकाल सकेको छैन । विश्वस्तरीय सेन्टर मिडफिल्डरले भरिपूर्ण टोलीले पछिल्लो संस्करणमा ब्राजिलसँग उद्घाटन खेलमा ३–१ को हार बेहोरेको थियो । यसपटक भने टोलीसमक्ष राम्रो मौका रहेको छ । अनुभवी र युवा खेलाडीको सम्मिश्रणसहित बलियो देखिएको टोलीले सुरुआत पनि राम्रो पाएको छ ।

प्रतियोगिताकै सबैभन्दा युवा टोली छनोट गरेका नाइजेरियाका प्रशिक्षक गर्नट रोह्रले १९ वर्षीय गोलरक्षक फ्रान्सिस उजोहोलाई खेलाएका थिए । तर खेलमा क्रोएसियाले गरेको पहिलो ठूलो आक्रमणमै उनी निरीह रहे । ३० औं मिनेटमा क्रोएसियाले पाएको कर्नरमा मान्जुकिचले डाइभ गर्दै हानेको हेडर एटेबोको खुट्टामा लाग्दै गोलमा परिणत भयो । प्रिमियर लिगमा खेलिरहेका एलेक्स इवोबी र भिक्टर मोसेसले हाफ टाइमअघि बराबरीको मौका पाए पनि त्यसको सदुपयोग गर्न सकेनन् ।

दोस्रो हाफको सुरुआतमा नाइजेरियाले केही दबाब सिर्जना गरे पनि त्यसको प्रतिफल निस्कन सकेन । नाइजेरियाका विलियम एकङले मान्जुकिचलाई बक्सभित्र लडाएपछि रेफ्रीले क्रोएसियालाई पेनाल्टी दिए । मोड्रिचले उक्त पेनाल्टीमा सहजै गोल गर्दै टिमलाई जिततर्फ डोर्‍याए ।

प्रकाशित : असार ३, २०७५ १९:१५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT