विशेष अनुसन्धान समितिको म्याद थपियो

मन्त्रिपरिषदको आइतबार बसेको बैठकले समितिको म्याद असार मसान्तसम्मका लागि थप गरेको हो ।

गत चैत ३० मा मन्त्रिपरिषद्ले संगठित अपराध निवारण ऐन २०७० को दफा १२ अनुसार गृह मन्त्रालयका सहसचिव ईश्वरीराज पौडेलको नेतृत्वमा विशेष अनुसन्धान समिति गठन गरेको थियो । सुरुमा दिइएको ४५ दिनको समय अपर्याप्त भएपछि सरकारले समितिको म्याद थपेको हो ।

खानेपानी संस्थानको बोर्ड सदस्य घटाइयो

सरकारले नेपाल खानेपानी संस्थानको बोर्ड सदस्य ९ जना मात्रै कायम गरेको छ । मन्त्रिपरिषद् बैठकले बोर्डमा १९ सदस्य रहेकामा १० जना कटौती गरी ९ जना मात्रै कायम राख्ने निर्णय गरेको हो । सरकारले उच्च सरकारी वकिलको कार्यालय ओखलढुंगा र वीरगन्जका लागि थप दरबन्दी स्वीकृत गरेको छ । उच्च अदालतको इजलास रहेका ती दुई जिल्लाका उच्च सरकारी वकिलको कार्यालयमा कर्मचारी अपुग भएपछि थप दरबन्दी स्वीकृत गरिएको जानकारी मन्त्रिपरिषद् स्रोतले दिएको छ ।