३३ किलो सुन तस्करी र हत्या प्रकरणमा प्रहरीले ४ अभियुक्तविरुद्ध रेडकर्नर नोटिस जारी गरेको छ । मोरङ जिल्ला अदालतमा विचाराधीन मुद्दाका ४ प्रतिवादीलाई पक्राउ गर्न नेपाल प्रहरीले अन्तर्राष्ट्रिय प्रहरी अपराध संगठन (इन्टरपोल) मार्फत रेडकर्नर नोटिस जारी गरेको हो ।
साठी वर्षअघि बनेको तथ्यांक ऐन संशोधन हुने भएको छ । केन्द्रीय तथ्यांक विभागले तथ्यांकको परिभाषा नै परिवर्तन गर्दै नयाँ संविधानको व्यवस्थाअनुकूल तथ्यांक ऐन २०१५ को संशोधन मस्यौदा तयार पारेको छ ।
दिपायल–बिपीनगर–धनगढी द्रुतमार्गको ट्रयाक खोल्ने काम रोकिएको छ । वन कार्यालयसँग सम्बन्धित कानुनी प्रकृया पुर्याउन नसकेपछि निर्माण रोकिएको हो । साविकको सडकभन्दा निकै छोटो मानिएको द्रुतमार्ग निर्माणमा भइरहेको ढिलासुस्तीप्रति स्थानीयले भने तीव्र असन्तुष्टि ब्यक्त गरेका छन् ।
चेपाङ मार्गले पुर्वपश्चिम महेन्द्र राजमार्गको भण्डारा र पृथ्वीराजमार्गको मलेखु मात्रै जोडैन चितवन, धादिङ र मकवानपुरको विकट पहाडी क्षेत्रमा बस्ने अल्पसंख्यक आदिवासी समुदाय चेपाङको घर आँगनमा विकास पुर्याउन पनि मद्दत गर्छ ।
आफैलाई गोली हान्न लगाएर हिन्दुराज्य स्थापनाकाे आन्दोलन गराउन असफल प्रयास गरेका आचार्य श्रीनिवास ५ हजार धरौटीमा रिहा भएका छन् । जिल्ला अदालत मोरङका न्यायाधीश नारायणप्रताप शर्माको इजलासले ५ हजार धरौटीमा रिहा गरेको हो ।
नेपाल विद्युत् प्राधिकरणले शनिबार ठमेललगायत एक दर्जन स्थानमा विद्युत् आपूर्ति बन्द हुने बताएको छ । प्राधिकरणले ११ केभी प्रसारण लाइनको मर्मतसम्भार गरी थप व्यवस्थित गर्न लागेकाले शनिबार बिहान ८ देखि साँझ ५ बजेसम्म विद्युत् आपूर्ति बन्द हुने भएको हो ।
प्रदेश नं ३ को नाम नेवा: ताम्सालिङ राख्न माग गर्दै काठमाडौंमा शुक्रबार प्रदर्शन गरिएको छ । नेवा : ताम्सालिङ समन्वय समितिको अगुवाईमा रत्नपार्क शान्तिवाटिकामा एक घण्टा धर्ना तथा कोणसभा गरिएको हो ।
सभामुख प्रदीपकुमार भण्डारीले मंगलबारको प्रदेशसभा बैठकमा सांसदहरूलाई ‘आचरणमा बस्न’ दुईपटकसम्म रुलिङ गरेका थिए । उनले भने, ‘सदस्यज्यूहरू प्रदेशसभा बैठकले खैरो रंगको कोट ‘ड्रेस कोड’ का रूपमा तोकिसकेको छ ।
गैरकानुनी रुपमा पथ प्रदर्शक (टुरिस्ट गाइड) को काम गर्दै आएका ६ जना पक्राउ परेका छन् । नक्कली शैक्षिक प्रमाणपत्र पेस गरी पर्यटक पथ प्रदर्शक प्रमाणपत्र बनाई गैरकानुनी तवरले काम गर्नेलाई बुधबार पर्यटन विभाग परिसरबाट नेपाल प्रहरी केन्द्रीय अनुसन्धान व्यूरोले पक्राउ गरेको जनाएको छ ।
आफूहरुमाथि श्रमशोषण गरिएको भन्दै कार्यरत नर्स र अध्ययनरत डाक्टरहरुकाे समूहले स्वास्थ्य मन्त्रालय घेराउ गरेकाे छ । नर्सहरूले गत माघमा ११ बुँदे माग सार्दै एक साता आन्दोलन गरेका थिए । उक्त माग अझै पुरा नभएको भन्दै शुक्रबार उनीहरूले स्वास्थ्य मन्त्रालयमा धर्ना दिएका हुन् ।
संगठित सुन तस्करीमाथि अनुसन्धान गर्न बनेको विशेष समितिले पुल्चोकस्थित लबिम मलमा रेस्टुरेन्ट संचालन गर्दै आएका व्यवसायी अकबर शाहलाई पक्राउ गरेको छ । संगठित सुन तस्करीमा अकबरको पनि मिलेमतो रहेको समिति स्रोतको दाबी छ ।
संस्कृति, पर्यटन तथा नागरिक उडड्यनमन्त्री रवीन्द्रप्रसाद अधिकारीले नेपालको वायु सेवालाई अन्तर्राष्ट्रिय नागरिक उड्डयन संगठनको खतराको सूचीबाट हटाउन सफल भएको बताएका छन् ।
पेप्सीकोलाबाट सानोठिमीतर्फ आउँदै गरेको बा २ क ३९३४ नम्बरको टिपरले सोही दिशातर्फ आइरहेको बा ६६ प ८५५३ नम्बरको स्कुटरलाई ठक्कर दिँदा स्कुटर चालकको मृत्यु भएको छ ।
भूकम्पले क्षतिग्रस्त पद्म माविमा अध्ययनरत विद्यार्थी अस्थायी टहरामा पढ्न बाध्य छन् । भूकम्प गएको करिब ३८ महिनासम्म पनि क्षतिग्रस्त विद्यालय पुनर्निर्माणको टुंगो नलागेको पद्म माविका प्रधानाध्यापक राम हाडा बताउँछन् ।
संवैधानिक व्यवस्थाअनुसार गठन भएका दलित, महिला र मुस्लिम आयोग निष्क्रियजस्तै बनेका छन् । तीनवटै आयोग कर्मचारीका भरमा चलिरहेका छन् । पदाधिकारी नियुक्त नहुँदा नीतिगत निर्णय हुन सकेको छैन ।
वीरेन्द्रनगर नगरपालिका–९, सत्यकाँडाकी ४५ वर्षीया लक्ष्मी थापाको हत्या भएको दाबी गर्दै माइती पक्षले प्रहरीले जाहेरी लिन नमानेको आरोप लगाएको छ । थापाको वैशाख ४ गते मृत्यु भएको थियो ।
गृह मन्त्रालयले किसानलाई उखुको भुक्तानी दिलाउन पहल थालेको छ । उद्योग सञ्चालनमा रहेका जिल्लाका प्रमुख जिल्ला अधिकारीलाई पत्राचार गरी तत्काल कृषकलाई भुक्तानीको व्यवस्था मिलाउन पत्राचार गरेको हो । अटेर गरेमा कानुनबमोजिम कारबाहीका लागि सिफारिस गर्नसमेत भनेको छ ।
राष्ट्रिय र अन्तर्राष्ट्रिय गैरसरकारी संस्थाका कार्यसमितिका पदाधिकारी तथा कर्मचारीको सम्पत्ति विवरण अनिवार्य रूपमा जिल्ला प्रशासन कार्यालयमा पेस गर्नुपर्ने आफ्नै निर्णयबाट गृह मन्त्रालय पछि हटेको छ ।
संवैधानिक परिषद्ले सिफारिस गरिसके पनि कायममुकायम प्रधानन्यायाधीश दीपकराज जोशीलाई प्रधानन्यायाधीश नियुक्त गर्न अझै समय लाग्ने भएको छ । संसदीय सुनुवाइ समिति गठन नभएकाले प्रधानन्यायाधीश नियुक्तिमा ढिलाइ भएको हो ।
दलहरूले सांसदको नाम सिफारिस नगर्दा संसदीय समिति गठन हुन सकेको छैन । कसलाई कुन समितिमा राख्ने भन्ने नामावली उनीहरूले नपठाउँदा समिति गठन प्रक्रिया अघि बढ्न नसकेको जानकारी संसद् सचिवालयले दिएको छ ।
नेपाल र चीनले दूरगामी महत्त्व राख्ने केरुङ–काठमाडौं रेलमार्ग निर्माणसम्बन्धी समझदारीपत्रमा बिहीबार हस्ताक्षर गरेका छन् । दुई देशले सम्बन्ध विस्तारको आधार बनाएको ‘ट्रान्स–हिमालयन मल्टी–डाइमेन्सनल कनेक्टिभिटी नेटवर्क’ को खाकाभित्र रहेर उक्त समझदारी गरेका हुन् ।