२१ बुँदे घोषणापत्र जारी गर्दै कांग्रेसका जिल्ला सभापतिको राष्ट्रिय भेला सकियो 

नगेन्द्र अधिकारी

हेंटौडा — प्रदेश ३ को अस्थायी राजधानी हेंटौडामा आयोजना गरिएको कांग्रेसका जिल्ला सभापतिहरुको राष्ट्रिय भेला २१ बुँदे घोषणापत्र जारी गर्दै सकिएको छ ।

भेलालाई अन्तिममा सम्बोधन गर्दै पार्टी सभापति शेरबहादुर देउवाले गएको निर्वाचनमा टिकट वितरणका क्रममा केही त्रुटी भएको स्वीकार गरेका छन्। उनले आगामी निर्वाचनहरुमा त्यस प्रकारको त्रुटीलाई नदोहोर्‍याउने प्रतिबद्धता समेत व्यक्त गरेका छन्। भेलाको अन्तिममा सभापति र पार्टीका विरष्ठ नेता रामचन्द्र पौडेले सम्बोधन गरेका थिए।

Yamaha

वरिष्ठ नेता पौडेलले आफूले पार्टी भित्र छुट्टै गुट नचलाएको बताउँदै पार्टीलाई एक बनाएर अगाडि बढाउनका लागि मेची-महाकाली अभियान सुरु गर्ने बताएका थिए।

भेलाले वर्तमान कम्यूनिष्ट सरकार सर्वसत्तावाद-उन्मूख रहेको निष्कर्ष निकालेको छ। 'कम्यूनिष्ट सरकारबाट संचार जगतमा थालिएको निषेध र नियन्त्रणकारी हस्तक्षेप, स्वतन्त्र न्यायपालिकालाई प्रभावित पार्ने अभिव्यक्ति, नागरिकको सम्पतिको हकलाई कुण्ठित गर्ने प्रयत्न, राष्ट्रसेवक कर्मचारी र शैक्षिक क्षेत्रमाथिको अन्यायपूर्ण आतंक, ट्रेड युनियन अधिकार खोस्ने प्रपन्च, पेसागत सामाजिक एवं गैरसरकारी संघसंस्थामाथिको नियन्त्रणकारी रबैया, मौलाउँदै गएको दण्डहिनता आदिबाट वर्तमान सरकार सर्वसत्तावाद-उन्मूख रहेको प्रष्ट छ,' घोषणापत्रको ११ नम्बर बुँदामा भनिएको छ, 'अत: लोकतान्त्रिक गणतन्त्र, संघियता, प्रेस स्वतन्त्रता, स्वतन्त्र न्यायप्रणाली, ट्रेड युनियन अधिकार, विद्यमान कानून अन्तर्गत रही निर्वाध पेसा ब्यबसाय गर्ने अधिकार लगायत लोकतन्त्रका स्थापित मूल्यमान्यताको रक्षाका लागि नेपाली कांग्रेस दृढतापुर्वक उभिने प्रण गर्दछ।'

यस्तै भेलाले तत्कालिन एमालेको नक्कली राष्ट्रवाद सरकारमा पुगेपछि लम्पसारवादमा परिणत भएको आरोप पनि लगाएको छ।

सभापतिहरुको भेलाले आगामी दिनमा पार्टीको संगठनलाई थप सबल, सदृढ, आधुनिक एवं प्रभावकारी बनाउने दिशा तर्फ काम सुरु गर्ने अठोट पनि व्यक्त गरेको छ।

जिल्ला सभापतिहरुको राष्ट्रिय भेलाले जारी गरेको घोषणापत्र :


प्रकाशित : असार ८, २०७५ १३:२८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

ई–स्पोर्ट्स च्याम्पियनसिप हुने

कान्तिपुर संवाददाता

काठमाडौँ — नेपाल ई–स्पोर्ट्स संघले भदौ १ र २ गते नेपाल ई–स्पोर्ट्स च्याम्पियनसिप २०१८ को आयोजना गर्ने भएको छ ।

यस संस्करणमा डोटा–२ र काउन्टर स्ट्राइक ग्लोबल अफेन्सिभ खेलमा प्रतिस्पर्धा हुनेछ । दुवै खेलको विजेता टोलीले १ लाख ५० हजार तथा उपविजेताले ६५ हजार रुपैयाँ प्राप्त गर्नेछन् ।

प्रतियोगिताको सम्पूर्ण व्यवस्थापन एडीए सर्भिसेस प्रालिले गर्नेछ । अन्तर्राष्ट्रिय ई–स्पोर्ट्स महासंघमा आबद्ध आयोजक संस्था सन् २०१६ मा स्थापना भएको हो । दर्ता प्रक्रिया खुला भइसकेको र शुल्क २ हजार ५ सय रुपैयाँ तोकिएको छ ।

प्रकाशित : असार ८, २०७५ ११:५५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT