गैरकानुनी रुपमा काम गर्ने ६ टुरिस्ट गाइड पक्राउ

कान्तिपुर संवाददाता

काठमाडौँ — गैरकानुनी रुपमा पथ प्रदर्शक (टुरिस्ट गाइड) को काम गर्दै आएका ६ जना पक्राउ परेका छन् । नक्कली शैक्षिक प्रमाणपत्र पेस गरी पर्यटक पथ प्रदर्शक प्रमाणपत्र बनाई गैरकानुनी तवरले काम गर्नेलाई बुधबार पर्यटन विभाग परिसरबाट नेपाल प्रहरी केन्द्रीय अनुसन्धान व्यूरोले पक्राउ गरेको जनाएको छ ।

पक्राउ पर्नेहरुमा काठमाडौंका अनिल महर्जन, रमेश महर्जन, ललितपुरका राजीव महर्जन, अमृत डंगोल, भक्तपुरका किशोर चौगुठी, माधव चालिसे छन् । उनीहरुले स्नातक तह पास गरेको नक्कली सर्टिफिकेट पेस गरी नेपाल पर्यटन तथा होटल व्यवस्थापन प्रतिष्ठानबाट चाईनिज भाषाको पर्यटक पथ प्रदर्शक अनुमतिपत्र लिएर काम गर्दै आएका थिए ।

Yamaha

पर्यटक पथ प्रर्दशक हुन स्नातक तह पास गर्नुपर्ने र विदेशी भाषामा पोख्त हुनु पर्ने सरकारको मापदण्ड छ ।

उनीहरुमाथि जिल्ला अदालत काठमाडौंबाट सरकारी छाप दस्तखत कीर्ते ऐनअन्तर्गतको मुद्दामा म्याद थप लिई अनुसन्धान गरिरहेको व्यूरोका प्रवक्ता प्रहरी उपरीक्षक कृष्णहरि शर्माले जानकारी दिएको छ ।

Esewa Pasal

प्रकाशित : असार ८, २०७५ १६:३९
प्रतिक्रिया
पठाउनुहोस्
ADVERTISEMENT

नेपालको बजेट बारे हङकङमा अन्तरक्रिया

किसन राई

हङकङ — नेपाल च्याम्बर अफ कमर्स हङकङले नेपालको बजेट बारे अन्तरक्रिया गरेको छ । नेपालीद्वारा सञ्चालित पाम्पास स्टेक हाउसमा सम्पन्न अन्तरक्रियामा कार्यसमिति, सल्लाहकार र संरक्षक समितिको सहभागिता थियाे ।

अन्तरक्रियापछि सहभागीहरु सामुहिक तस्बिरमा ।

कार्यक्रममा कन्सुल जनरल कमलप्रसाद भट्टराईले देशको बजेटको बारेमा प्रवासमा अन्तरक्रिया हुनु स्वागतयोग्य भन्दै प्रशंसा गरेका थिए। उनले संघीय संरचनापछिको पहिलो बजेट भएकाले विगत भन्दा फरक रहेको बताए।

भट्टराईले स्वदेशमा रोजगार बृद्धि गर्न विभिन्न योजनाको व्यवस्था गरिएको र गैर–आवासीय नेपाली (एनआरए) को संख्या घटाउनेतर्फ बजेट केन्द्रित रहेको बताए।

भन्सार तिरेर सय ग्रामसम्म सुन लैजान पाउने व्यवस्थाले एनआरएनलाई राहत पुगेको बताउादै उनले वैदेशिक रोजगारबाट फर्किएकालाई सीप प्रमाणिकरण गरी ऋण उपलब्ध गराउने व्यवस्थाको सुरुवातलाई सकरात्मक रुपमा लिन आग्रह गरेका थिए।

च्याम्बरका पूर्व अध्यक्ष जगन्नाथ ज्ञवालीले विदेशबाट अवकास जीवनका लागि फर्कनेलाई निजी प्रयोगका सवारी साधन र घरेलु प्रयोजनका सामग्रीमा भन्सार छुटका लागि आगामी बजेटमा व्यवस्था हुन आवश्यक रहेको सुझाव पेश गरेका थिए। उनले बजेट समग्रमा सकरात्मक रहेको प्रतिक्रिया दिएका थिए।

उपाध्यक्ष लवकुमार गुरुङले विदेशमा बसोबास गर्नेले पनि स्वदेशको बजेटप्रति चासो राख्न आवश्यक रहेकोमा जोड दिए।

अध्यक्ष डासुराम पराजुलीले बजेटबाट राजनीतिक स्थिरताको आभास मिलेको बताउँदै विकासको गति बढ्ने आशा व्यक्त गरे। लोकप्रियतामा नभएर आधारभूत विकासमा जोड दिइएकोले बजेटबाट सन्तुष्ट हुन सकिएको उनको प्रतिक्रिया थियो।

प्रकाशित : असार ८, २०७५ १६:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT