प्रधानमन्त्रीद्वारा कूटनीतिक मर्यादा उल्लंघन : राप्रपा

कान्तिपुर संवाददाता

काठमाडौँ — प्रधानमन्त्री केपी ओलीको जारी चीन भ्रमणमा कूटनीतिक मर्यादाविपरीत गतिविधि भएको भन्दै राप्रपाले आपत्ति जनाएको छ । 

पार्टी कार्यालय धुम्बाराहीमा शुक्रबार बसेको पदाधिकारी बैठकले प्रधानमन्त्री विदेश भ्रमणमा गएका बेला पार्टीगत कार्यक्रममा सहभागी भएको र पार्टी विशेषको विचारको अभिव्यक्ति दिनु कूटनीतिक मर्यादा उल्लंघन भएको निष्कर्ष निकालेको हो। 'औ‍पचारिक रुपमा सिंगो मुलुकको प्रतिनिधित्व गरी विदेश भ्रमणमा गएका बेला पार्टीगत कार्यक्रममा सहभागिता र पार्टी विशेषको विचारको अभिव्यक्ति कूटनैतिक मर्यादा अनुकूल नभएको राप्रपाको ठहर छ,' बैठकपछि प्रवक्ता भुवन पाठकले जारी विज्ञप्तिमा उल्लेख छ।

Yamaha

प्रधानमन्त्रीको भ्रमणका क्रममा पारवहन सन्धि हुन नसकेको तथा पेट्रोलियम पदार्थ आपूर्तिको वैकल्पिक व्यवस्थाबारे अपेक्षाअनुरुप पहल नभएकोप्रति पनि राप्रपाले असन्तोष प्रकट गरेको छ। विगतमा दुई देशबीचमा भएका पारवहन, व्यापारलगायत सम्झौता कार्यान्वयन गर्ने प्रतिबद्धतालाई भने राप्रपाले सकारात्मक रुपमा लिएको जनाएको छ।

राप्रपा बैठकले यँही असार २८ देखि असोज मसान्तसम्म हिन्दूराष्ट्र पुनर्स्थापना राष्ट्रिय जनजागरण अभियान सञ्चालन गर्ने निर्णय पनि गरेको विज्ञप्तिमार्फत् जनाएकाे छ।

असार ५ गते चीन भ्रमणमा गएका प्रधानमन्त्री ओली नेतृत्वको टोली आइतबार स्वदेश फर्कने कार्यक्रम छ।

पढ्नुहोस्, विज्ञप्तिको पूर्णपाठ

Esewa Pasal

प्रकाशित : असार ८, २०७५ १७:३९
ADVERTISEMENT
प्रतिक्रिया
पठाउनुहोस्
ADVERTISEMENT

घुम्ती शिविरमा ६ सय ६५ लाई नागरिकता   

राजबहादुर शाही

मुगु — खत्याड गाउँपालिकाको गम्थामा संचालित एकीकृत घुम्ती शिविरमा ६ सय ६५ जनालाई नागरिकता वितरण गरिएको छ ।

एक साता लामो शिविरमा ३३ जनालाई नाबालक परिचयपत्र, ४८ जनालाई अपाङ्ग परिचयपत्र, २० जनालाई मालपोतबाट राजिनामा बकसपत्र लगायतका सेवा प्रदान गरिएको प्रमुख जिल्ला अधिकारी उमाकान्त अधिकारीले बताए।

उक्त शिविरमा १ सय ३ वर्षकी एक महिलालाई पनि नागरिकता दिएको उनले बताए।

शिविरमा स्थानीय तह प्रमुख–उपप्रमुख र वडाअध्यक्षलाई तीनदिने पारदर्शिता तालिमसमेत दिइएको छ।

प्रकाशित : असार ८, २०७५ १७:२९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT