५ हजार धरौटीमा आचार्य श्रीनिवास रिहा

देवनारायण साह

मोरङ — आफैलाई गोली हान्न लगाएर हिन्दुराज्य स्थापनाकाे आन्दोलन गराउन असफल प्रयास गरेका आचार्य श्रीनिवास ५ हजार धरौटीमा रिहा भएका छन् । जिल्ला अदालत मोरङका न्यायाधीश नारायणप्रताप शर्माको इजलासले ५ हजार धरौटीमा रिहा गरेको हो ।  

जिल्ला प्रशासन कार्यालय मोरङको प्रमुख जिल्ला अधिकारी रामप्रसाद आचार्यको इजलासले हातहतियार खरखजाना ऐन २०१९ को दफा २४ को क बमोजिम जेठ १६ गते पुर्पक्षका लागि थुनामा राख्ने आदेश गरेको थियो।जिल्ला प्रशासनको आदेशबिरुद्ध उनले मुलुकी ऐनको अदालती बन्दोवस्त महलको १७ नम्बर बमोजिम जिल्ला अदालतमा पुनरावेदन गरेका थिए। उनलाई झुम्का कारागारमा राखिएको थियो।

विराटनगर–१४ जतुवास्थित रामजानकी मन्दिरमा पुराणबाचनका लागि आएका आचार्यमाथि चैत २५ गते बिहान १:४५ बजे शौच गर्न कोठाबाट बाहिर निस्केका बेला गोली प्रहारबाट घाइते भएका थिए। उनी न्यूरो अस्पताल विराटनगरमा २१ दिन उपचार गराएर काठमाडौं गएका थिए। काठमाडौंबाट थप उपचारका लागि भारतको दिल्ली जान लागेको समयमा बैशाख २४ गते बिहान आचार्यलाई प्रहरीले पक्राउ गरेको थियो।

यस्तै, आचार्यलाई गोली हान्ने उनकै अंगरक्षक चितवनको भरतपुर महानगरपालिका बेलचोकका २९ वर्षीय रोशन भन्ने माधव चौधरी, गोली र पेस्तोलको ब्यवस्थापन गर्ने नवलपरासीको गैडाकोट नगरपालिका–५ का ३२ वर्षीय खान र सन्तोष भन्ने लक्ष्मीराज अधिकारीलाई कर्तव्यज्यान मुद्दामा जिल्ला अदालत मोरङको आदेशमा पूर्पक्षका लागि थुनामा छन्।

बाराको सिमरा–३ पानीटंकी नजिक घर भएका दिपप्रसाद पण्डित र कान्तिमति पण्डितका एक्ला छोरा आचार्य श्रीनिवासको वास्तविक नाम दिनेशप्रसाद पण्डित हो। धार्मिक अभियानमा लागेपछि काठमाडौंस्थित बैंकटेशका मठाधीश पद्मधर श्वामीले दिनेशलाई आचार्य श्रीनिवास नाम दिएको उनकी आमा कान्तिमतिले बताइन्।

बराह–६ चक्रघटीस्थित लक्ष्मी बैङकटेशमा बस्दै आएका उनी नभएको बेला आउने भक्तजन तथा अनुयायीहरुले आचार्यको खराउको पूजा गरेर जाने गरेका छन्।

Esewa Pasal

प्रकाशित : असार ८, २०७५ २०:०३
ADVERTISEMENT
प्रतिक्रिया
पठाउनुहोस्

गैरकानुनी रुपमा मृगौला प्रत्यारोपण गराउने जेल चलान

कान्तिपुर संवाददाता

भक्तपुर — नक्कली कागजात तयार गरी गैरकानुनी रुपमा मृगौला प्रत्यारोपण गराउने व्यक्तिलाई जिल्ला अदालत भक्तपुरले पुपर्क्षका लागि जेल चलान गरेको छ । 

प्रतिकात्मक तस्बिर


नक्कली नागरिकताको प्रमाणपत्र, शैक्षिक प्रमाणपत्र, नाता प्रमाणपत्रलगायतका कागजपत्र किर्ते गरी गत बैशाख १० गते सहिद धर्मभक्त राष्ट्रिय प्रत्यारोपण केन्द्र भक्तपुरमा मृगौला प्रत्यारोपण गराउने मोरङ कानेपोखरी गाउँपालिका–१ होकलाबारी घरभई सूर्यविनायक–६ सुवर्णचोक बस्ने ५२ वर्षीय थर्कबहादुर बस्नेतलाई न्यायाधीश श्रीकृष्ण भट्टराईको इजलासले पुर्पक्षको लागि थुनामा पठाएको हो।

अदालतले बस्नेतको जीवन रक्षाको अधिकारलाई प्रत्याभूति गर्दै थुनामा छुट्टै राख्ने प्रबन्ध मिलाई कारागारमा रहँदा नियमित स्वास्थ्य जाँच गराउने, अस्पताल भर्ना गराउनु पर्ने अवस्थामा भर्ना गराउने, निजको आर्थिक अवस्थाले उपचार गर्न सक्ने अवस्था नभए राज्यकातर्फबाट व्यहोर्ने गरि आदेश जारी गरेको अदालतका इजलाश अधिकृत कमल महतले बताए।

त्यस्तै, मृगौला झिकिएका काभ्रेपलाञ्चोक बनेपा नगरपालिका–२ टुकुचाका २९ वर्षीय कुमार गिरीलाई भने साधारण तारेखमा छाडेको अदालतले जनाएको छ।

प्रकाशित : असार ८, २०७५ १९:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT