प्रधानमन्त्रीको भेटघाट : सांसदसँग साप्ताहिक, कार्यकर्तासँग पाक्षिक

प्रधानमन्त्रीका प्रेस सल्लाहकार कुन्दन अर्यालका अनुसार प्रधानमन्त्री ओलीले पार्टीका सांसदहरुलाई हरेक शुक्रबार दिउँसो ३ देखि ५ बजे सिंहदरबारमा भेट्नेछन् ।

प्रदेशगत रुपमा सांसदहरुसँग भेट्ने व्यवस्था मिलाइएको अर्यालले जनाए । त्यस्तै पार्टीका कार्यकर्ताहरुसँग प्रत्येक महिनाको १ र १५ गते भेट्ने गरी कार्यतालिका बनाइएको छ । ओलीले महिनाको १ गते दिउँसो ११ बजेदेखि १ बजेसम्म धुम्बाराही र महिनाको १५ गते पेरिसडाँडास्थित कार्यालयमा भेटघाट गर्ने तय भएको छ ।