दाहालको सिंगापुर बसाइ लम्बियो

दाहालको स्वास्थ्यमा सुधार भइरहेको तर थप चेकअप गर्नुपर्ने भएकाले बसाइ लम्बिएको भतिजा समीर दाहालले जानकारी दिए । छोरा प्रकाश दाहालको निधनपछि सीताको स्वास्थ्यमा समस्या थपिन थालेको थियो । निद्रा नलाग्ने, तागत नहुनेलगायत समस्या बढिरहेका छन् ।

पछिल्लो समय अन्य समस्या पनि भएको आशंका चिकित्सकले गरेपछि दाहाल परिवार सिंगापुर पुगेको हो । यसअघि पनि सीताको दिल्लीमा उपचार भएको थियो ।

बुवा–आमासँगै सिंगापुर गएर स्वदेश फर्केकी छोरी गंगाले आमाको ‘वाटर थेरापी’ मार्फत उपचार भइरहेको र चिकित्सकको प्रत्यक्ष निगरानीमा औषधि सेवन गरिरहेको जानकारी दिइन् ।