गंगामायाको स्वास्थ्य अवस्था गम्भीर बन्दै

अतुल मिश्र

काठमाडौँ — २८ दिनदेखि वीर अस्पतालमा अनसनरत गंगामाया अधिकारीको स्वास्थ्य अवस्था क्रमश: गम्भीर बन्दै गएको छ ।

सर्वोच्च अदालतले जारी गरेको आदेशअनुसार छोरा कृष्णप्रसादको हत्यामा संलग्न अभियुक्तलाई पक्राउ गरिनुपर्ने उनको माग छ।

Yamaha

अस्पतालका निर्देशक डा.भुपेन्द्र बस्नेतका अनुसार गंगामाया बीच बीचमा सलाइन लिने गरेपनि खाना नखाएकोले उनको स्वास्थ्य स्थिती क्रमश: गम्भीर बन्दै गएको हो।

गंगामायाले रगत लगायतका अन्य परीक्षण समेत गराउन नमानेको डा.बस्नेतले बताए।

आफू ५ वर्ष देखि बस्दै आएको वीर अस्पतालको १७ नम्बर क्याबिनमा जेठ १६ गते देखि उनी अनसनरत छन्।

१३ वर्षअघि भएको कृष्णप्रसाद अधिकारीको हत्यामा न्याय पाउनुपर्ने माग राख्दै उनि निरन्तर आन्दोलन र अनशन बस्दै आएकी छन्।

प्रकाशित : असार १२, २०७५ १९:५४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

तरुण दलले विरोध सभा गर्ने

कान्तिपुर संवाददाता

काठमाडौँ — कांग्रेस भ्रातृसंस्था तरुण दलले जनजीविकाको प्रश्न उठाउँदै बुधबार राजधानीमा विरोध र्‍याली गर्ने भएको छ ।

दलका अध्यक्ष जितजंग बस्नेतले सरकारको सर्वसत्तावादको विरोधमा र्‍याली गर्न लागिएको बताए । उनका अनुसार मूल्यवृद्धि, महँगी, प्रेस हस्तक्षेप, अदालतको अपमान र भ्रष्टाचारको विरोधमा नाराबाजीसहित सहरका विभिन्न ठाउँमा र्‍याली निकालिनेछ । र्‍यालीपछि शान्तिबाटिकामा विरोधसभा हुने भएको छ ।

‘विरोधसभाका लागि हजारौं युवालाई सडकमा उतार्ने तयारी गरेका छौं,’ उनले भने, ‘सरकारको सर्वसत्तावाद रोक्न तरुण दलले देशभर नै आन्दोलन गर्नेछ ।’

प्रकाशित : असार १२, २०७५ १९:२६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT