गुप्तेश्वर माविका प्रधानाध्यापक बेपत्ता

प्रहरीले मंगलबार बेलुकादेखि खोजी सुरु गरेको छ । बुधबार बिहानपनि थप टोली परिचालन गरेको उनले जानकारी दिए ।

शिक्षक महासंघका अध्यक्ष महेन्द्र प्रकाश गौतमका अनुसार फुङलिङ नगरपालिका-६ दाहाल गाउँ घर भएका उनी मंगलबार बिहान ६ बजे गाडीबाट मेवाखा पुगेका थिए । त्यहाँ खाजा खाएर १ सय १० रुपैयाँ तिरेर हिँडेकोसम्म पत्ता लागेको त्यसपछिको अवस्था अज्ञात रहेको गौतमले बताए । गौतमका अनुसार उनीसँग साथमा अर्को एकजना साथीपनि थिए । तर उनको पहिचान खुलेको छैन ।

विद्यालय आठराई त्रिवेणी गाउँपालिका-२ फूलबारीमा पर्छ । मदन आइतबार स्कुलबाट सदरमुकाम आएका थिए । यो वडामा चार वर्षअघि सञ्चारकर्मी मदन दाहालपनि वेपत्ता भएका थिए । उनको समेत अवस्था अझै पत्ता लागेको छैन ।