तरुण दलद्वारा विरोधसभा
काठमाडौँ — कांग्रेस भ्रातृसंस्था तरुण दलले महँगीविरुद्ध बुधबार राजधानीमा विरोधसभा गरेको छ । सहरका विभिन्न भागबाट नाराजुलुससहित निस्केको र्याली शान्तिबाटिकामा सभामा परिणत भएको थियो ।
सभामा तरुण नेताहरूले सरकार सर्वसत्तावादतर्फ उन्मुख भएकाले देशभर आन्दोलन गर्ने चेतावनी दिए । दलका अध्यक्ष जितजंग बस्नेतले केपी ओली नेतृत्वको सरकार बनेपछि पाँच पटक पेट्रोलियम पदार्थको मूल्यवृद्धि भइसकेको बताए ।
‘महँगी अनियन्त्रित बनेको छ, अदालतको अपमान गरिएको छ र राष्ट्रपतिलाई समेत संविधान मिच्न लगाउने काम भएको छ,’ उनले भने, ‘सरकार, सडक र जंगलबाट समेत कांग्रेसमाथि प्रहार हुँदै छ । यस्तो अवस्थामा हामी अन्तिम लडाइँका लागि सडक र सिंहदरबार घेर्छौँ ।’
प्रकाशित : असार १३, २०७५ १९:१४