रसुवामा पहिरोले दुईवटा गाडी बगायो
रसुवा — पासाङ ल्हामुमार्गअन्तर्गत राम्चेमा पहिरोले दुई वटा गाडी बगाएको छ । पहिरोमा ना ६ ख ७५९० को कन्टेनर र बा १२ च २७३५ नम्बरको बलेरो गाडी पहिरोले बगाएको प्रहरीले जनाएको छ । उक्त सडक खण्ड अहिले अवरुद्ध छ ।
घटनामा कुनै मानवीय क्षति नभएको प्रमुख जिल्ला अधिकारी कृष्ण पौडेलले बताए । उनले अवरुद्ध सडक बिहीबार मात्रै सञ्चालन हुने छ ।
यस्तै, काठमाडौंतर्फ जाने सवारी साधनहरुलाई सदरमुकाम धुन्चेमा र काठमाडौंबाट आउने सवारी साधनहरुलाई कालिकास्थानमा रोक लगाएको प्रजिअ पौडेलले जानकारी दिए ।
प्रकाशित : असार १३, २०७५ १९:५१