समाचार
असार १४, २०७५

कर्णाली प्रदेशसभा : सशक्त बन्दै प्रतिपक्षी

कर्णाली प्रदेशसभाका सुरुवाती बैठकहरूमा प्रतिपक्षी दलका नेता जीवनबहादुर शाहीले भन्ने गर्थे– ‘प्रदेशको विकासका सवालमा कांग्रेस कहिल्यै प्रतिपक्षी बन्दैन ।’ शून्य समय, विशेष समयमा बोल्ने सत्तापक्षकै कतिपय सांसद सरकारप्रति आक्रामक बनिरहँदा प्रतिपक्षी मौन बस्थे । 

भीएलएन ठगी प्रकरण : अर्बौंको बिगोमा १० लाख धरौटी

मलेसिया जाने नेपाली कामदारसँग अनधिकृत रूपमा शुल्क उठाइएको भन्दै परेको ठगी मुद्दामा जिल्ला अदालत काठमाडौंले थुनछेक आदेशमा ‘उदार’ दृष्टिकोण राख्दै धरौटी माग गरेको छ । अर्बौं रकम बिगो दाबी गरिएको उक्त मुद्दामा पर्याप्त प्रमाण र आधार हुँदाहुँदै अदालतले १० लाख रुपैयाँ मात्रै धरौटी मागेको हो । 

मन्त्रिपरिषद् निर्णय कार्यान्वयन हेर्न अलग्गै शाखा

मन्त्रिपरिषद्‌बाट भएका निर्णय कार्यान्वयनबारे मन्त्रालयहरूलाई घच्घच्याउन प्रधानमन्त्री तथा मन्त्रिपरिषद् कार्यालयमा अलग्गै शाखा गठन भएको छ । 

ADVERTISEMENT

उपत्यकामा तोकियो विरोध प्रदर्शन गर्ने ठाउँ, अरु ठाउँमा गरे कारबाही 

सरकारले काठमाडौं उपत्यकाका तीन जिल्लामा विरोध प्रदर्शन गर्ने निश्चित स्थानहरु तोकको छ । सरकारले तोकेको स्थानबाहेक विरोध प्रदर्शन गर्न नपाईने र गरेमा कानुनअनुसार कारबाही हुने पनि गृह मन्त्रालयले जनाएको छ । 

तीन बालबालिकाको शंकास्पद मृत्युः अनुसन्धानमै बित्यो वर्षदिन

भोजपुरको पूर्वी अरुण गाउँपालिका –३ मा तीन अबोध बालबालिकाको ‘शंकास्पद’ मृत्यु भएको एक वर्ष बितेपनि अनुसन्धान अझै टु‌ंगो लागेको छैन ।

कालीगण्डकीमा जिप खस्दा चालकसहित दुई बेपत्ता, उद्धारमा कठिनाई

रघुगंगा गाउँपालिका-१, तिप्ल्याङ नजिक बिहीबार कालीगण्डकीमा जिप खस्दा चालकसहित दुई जना बेपत्ता भएका छन् । 

स्थानीय तहमा ऐनविपरीत बजेट

स्थानीय सरकार सञ्चालन ऐन, २०७४ को दफा ७१ उपदफा १ ले भन्छ, ‘सबै स्थानीय तहका उपाध्यक्ष, उपप्रमुख वा कार्यपालिकाले तोकेको सदस्यले आगामी आर्थिक वर्षको बजेट असार १० गतेभित्रै सभामा पेस गर्नुपर्छ ।’ सोही दफाका विभिन्न उपदफामा बजेटमाथि कार्यतालिका बनाई १५ दिनभित्र छलफल सक्नुपर्ने, परिमार्जन गर्न सकिने र असार मसान्तभित्र बजेट पारित गरिसक्नुपर्ने उल्लेख छ ।

प्रधानमन्त्रीको चीन भ्रमणका विषयमा राष्ट्रिय सभालाई जानकारी

परराष्ट्रमन्त्री प्रदीपकुमार ज्ञवालीले प्रधानमन्त्री केपी शर्मा ओलीका तर्फबाट जनवादी गणतन्त्रको चीनको ६ दिवसीय भ्रमणमा बारेमा राष्ट्रिय सभालाई जानकारी गराएका छन् ।

सार्वजनिक महत्वको प्रस्तावले बजेटलाई सहयोग गर्छ : अर्थमन्त्री

अर्थमन्त्री डा युवराज खतिवडाले प्रतिनिधिसभामा बिहीबार प्रस्तुत भएको सार्वजनिक महत्वको प्रस्तावले विनियोजनमाथिको छलफलमा प्रभावित पार्ने नभई थप सहयोग पुग्ने बताएका छन् । 

संसद्‌मा सार्वजनिक महत्वको प्रस्ताव प्रस्तुत

सांसद खगराज अधिकारीले प्रतिनिधिसभामा निर्माणाधीन खानेपानी, सडक, ढल, पुलेसा, सिँचाइका आयोजनाको उचित व्यवस्था मिलाउन सरकारको ध्यानाकर्षण गर्दै सार्वजनिक महत्वको प्रस्ताव प्रस्तुत गरेका छन् । 

ADVERTISEMENT
ADVERTISEMENT

सरकारमाथि पार्टीको नियन्त्रण हुनु हुँदैनः उपनेता गच्छदार

नेपाली कांग्रेस संसदीय दलका उपनेता विजयकुमार गच्छदारले सरकार र प्रशासनमाथि पार्टीको नियन्त्रण हुनु गलत भएको बताएका छन् ।  

निर्वस्त्र पारी महिला कुटपिट गर्नेलाई ६ महिना कैद

सार्वजनिक स्थलमा एक महिलालाई निर्वस्त्र पारी कुटपिट गर्ने दुई महिलालाई जिल्ला प्रशासन कार्यालय दाङले जनही ६ महिना कैद र २५ हजार रुपयाँ जरिवाना तोकेको छ ।

कामदारहरुको कानुनी प्रतिरक्षासम्बन्धी निर्देशिका मन्त्रिपरिषद्‌बाट स्वीकृत

सरकारले वैदेशिक रोजगारीमा गएका नेपाली कामदारहरुको कानुनी प्रतिरक्षासम्बन्धी निर्देशिका-२०७५ स्वीकृत गरेको छ । 

भक्तपुरमा छ महिनामा १३ जना बलात्कारको शिकार

भक्तपुरमा विगत ६ महिनामा १३ बालिका तथा किशोरी बलात्कारका घटनाबाट पीडित भएका छन् । अनौपचारिक क्षेत्र सेवा केन्द्र (इन्सेक) ले मानव अधिकार वर्ष पुस्तक-२०१९ का लागि आयोजना गरेको अर्धवार्षिक समीक्षा कार्यक्रममा इन्सेकका जिल्ला प्रतिनिधि सविना केसीले सो व्यहोरा सार्वजनिक गर्दै २०१८ जनवारीदेखि २७ जुनसम्म हत्या, कुटपिट बलात्कार तथा बलात्कार प्रयास, बाल यौनशोषण तथा दुव्र्यवहार, बहुविवाह लगायतका २४ वटा घटना भएको बताएकी हुन् ।

सरकारको गतिविधिले आशा र आशंका दुवै पैदा गर्छः अध्यक्ष थापा

राष्ट्रिय प्रजातन्त्र पार्टीका अध्यक्ष कमल थापाले सरकारको अहिलेको गतिविधि हेर्दा केही आशा र आशंका पैदा गरेको बताएका छन् ।

ADVERTISEMENT
ADVERTISEMENT

भित्र्याउने बेला भएको बालीसहित खेत बगायो

वालिङ नगरपालिका-१२ स्थित लाम्पाटेमा रहेको खेतीयोग्य जमिन बगरमा परिणत भएको छ । केहीदिन यता परेको अविरण वर्षाका कारण जिल्लाका विभिन्न स्थानमा पहिरो गएको छ । यस्तैगरी सोमबार बिहान लाम्पाटेमा ठूलो पहिरो गएको थियो । पहिरोले लाम्पाटे डाँडो नै बगाउँदा फेदीमा रहेको ठूलो मात्राको खेत बगरमा परिणत भएको स्थानीय लेखनाथ गैह्रेले बताए ।

पहिरोले बेंसीसहर–चामे सडक अवरुद्ध

पहिरोले बेंसीसहर–चामे सडक अवरुद्ध भएको छ । उक्त सडक हिमाली जिल्ला मनाङ पुग्ने एकमात्र सडक हो । बुधबार राति सडकका ठाउँठाउँमा पहिरो गएपछि बिहीबार बिहानैदेखि उक्त ठाउँमा सवारी आवागमन ठप्प भएको स्थानीयले बताएका छन् ।

धादिङ केन्द्रविन्दु भएर ५ रेक्टरको भूकम्प

बिहीबार बिहान ९ बजेर ५२ मिनेट जाँदा धादिङलाई केन्द्रविन्दु बनाएर ५ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ । सो धक्का २०७२ बैशाख १२ कै विनाशकारी भूकम्पकाे पराकम्प रहेको केन्द्रले बताएको छ ।

खोलाले बगाएपछि कोदारी राजमार्ग अवरुद्ध

कोदारी राजमार्गको बाह्रबिसे तातोपानी सडकखण्डको लार्चास्थित माथिबाट आइरहेको भैरवकुण्ड खोलाले सडक बगाउँदा यस क्षेत्रका सवारी साधन ठप्प भएका छन् । 

जीप दुर्घटनामा वडा अध्यक्षसहित दुईको मृत्यु 

बुधबार साँझ बाजुराको त्रिबेणी नगरपालिकामा जीप दुर्घटना हुँदा वडा अध्यक्ष सहित दुई जनाको मृत्यु भएको छ भने अन्य १२ जना घाइते छन् ।

‘शान्ति सेनामा उच्चस्तरको जिम्मेवारी देऊ’

उपप्रधान तथा रक्षामन्त्री ईश्वर पोखरेलले विश्व शान्तिको नेतृत्वमा अग्रणी रहेको नेपाली सेनाले उच्चस्तरको जिम्मवारी लिनसमेत सक्ने बताएका छन् । उनले शान्ति सेनामा सल्लाहकार तथा सेक्टर कमान्डरका पदमा नेपाली सेनाले अवसर पाउनुपर्ने विषय राष्ट्रसंघका उच्च अधिकारीसमक्ष राखेको रक्षा मन्त्रालय उच्च स्रोतले बतायो ।

नतिजा त्रुटिमा मन्त्रीसँग जवाफ माग

एसईई नतिजा प्रकाशनमा भएको त्रुटिबारे प्रतिनिधिसभा बैठकमा सांसदले शिक्षामन्त्रीसँग जवाफ मागेका छन् । विनियोजन विधेयकमाथि छलफलमा बुधबार शिक्षामन्त्रीले जवाफ दिने क्रममा सांसद तेजुलाल चौधरीले त्रुटिबारे संसद्लाई जानकारी दिन माग गरेका हुन् ।

[अपडेट] धादिङकाे खानियाँबासमा पहिरोले ७ घर बगायाे, ५ जनाको मृत्यु, ५ घाइते

जिल्लाको उत्तरी भेगमा पर्ने खनियाँवासमा पहिरो घर बगाउँदा बुधबार राति ५ जनाको मृत्यु भएको छ । घटनामा ५ जना घाइते भएका छन् । 

अबदेखि विदेशी कामदारलाई दस्तुर

अबदेखि भारतीय कामदारलाई बिनाअभिलेख र अन्य विदेशी कामदारलाई बिनाश्रम स्वीकृति काममा लगाए रोजगारदाताले दोब्बर दस्तुर बुझाउनुपर्ने भएको छ । सरकारले भारतीय कामदारलाई पहिलोपल्ट अभिलेखीकरण गर्न लागेको हो । साथै, भारतीय र अन्य कामदार राख्न इजाजतस्वरूप २० हजार रुपैयाँसम्म दस्तुर तोकेको हो ।