महाकालीमा पानीको बहाव बढ्यो

पानीको बहाव बढेपछि वनबसा पुलमा चार पांग्रे सवारीसाधनको आवागमन बन्द गरिएको छ । सय वर्ष पुरानो पुल जीर्ण बन्दै गएको भन्दै भारतीय पक्षले पानीको बहाव १ लाख क्युसेक नाघ्ने वितिक्कै ठूला खालका सवारीसाधनको आवागमन बन्द गर्दै आएको छ ।

‘३ बजेदेखि पुल बन्द गरिएको हो,’ इलाका प्रहरी कार्यालय गड्डाचौकीका इन्चार्ज सई डिकरदेव पन्तले भने, ‘नदीमा पानीको बहाव अझै बढ्ने क्रम जारी छ ।’ नदी तटीय क्षेत्रमा तत्काल खतरा नभएपनि निरन्तर नदीमा जलस्तर बढ्दै गएकाले सुरक्षित रहन आसपासका वासिन्दालाई सचेत गराइएको उनले बताए ।