डा.केसीलाई सुरक्षित स्थानमा स्थानान्तरण गर्न माग

अतुल मिश्र

काठमाडौँ — नेपाल चिकित्सक संघले दिनदेखि जुम्लास्थित कबर्ड हलमा अनसनरत प्रा.डा.गोविन्द केसीलाई  सुरक्षित स्थानमा स्थानान्तरण गर्न सरकारसँग माग गरेको छ । 

संघले डा. केसीप्रतिको अमानवीय व्यवहारसँगै स्वास्थ्यमा जोखिम पुग्ने गरी स्थानीय कबर्ड हलमा कैदी सरह राखिएको उल्लेख गर्दै आपत्ती समेत प्रकट गरेको छ ।

Yamaha


चिकित्सकहरुबाट अस्पतालमा लगेर उपचार गराउनका लागि गरिएको आग्रह र सुझावलाई समेत बेवास्ता गरिएको उल्लेख गर्दे संघले डा.केसीको जीवन रक्षाको लागि कुनै पनि बेला कठोर कदम चाल्न बाध्य हुने र यसबाट उत्पन्न हुन सक्ने गम्भीर परिणतीको जिम्मेवार सरकार हुने समेत जनाएको छ ।

संघले आफनो सबै सदस्यलाई यसतर्फ सचेत र तयारी अवस्थामा रहन समेत अपिल गरेको छ ।

Esewa Pasal

प्रकाशित : असार १८, २०७५ १८:०५
प्रतिक्रिया
पठाउनुहोस्

चिकित्सक संघ डा.केसीको समर्थनमा

अतुल मिश्र

काठमाडौँ — नेपाल चिकित्सक संघले चिकित्सा शिक्षा, गुणस्तरीय स्वास्थ्य सेवाका अभियन्ता प्रा. डा. गोविन्द केसीलाई जुम्लामा सामान्य स्वास्थ्य परीक्षण गराउनमा सरकारले बन्देज लगाएको जनाउँदै भर्त्सना गरेको छ । 

आम नेपालीलाई संविधानले दिएको स्वास्थ्य परीक्षण गराउन पाउने मौलिक अधिकारबाट सरकारले डा.केसीलाई वञ्चित गराएको संघले उल्लेख गरेको छ । यसले सामान्य नागरिकको आधारभूत मानव अधिकारको हनन भएको समेत संघले जनाएको छ ।

संघका महासचिव डा.लोचन कार्कीले विज्ञप्ती जारी गर्दे यो घटनाप्रति गम्भीर ध्यानाकर्षण भएको उल्लेख गर्दै सरकारको वर्तमान कृयाकलापले शान्तिपूर्वक विरोध गर्न पाउने मौलिक अधिकारको हनन भएको बताए ।

संघले जारी गरेको विज्ञप्तीमा ‘यस्तो अस्वाभाविक क्रियाकलाप तुरन्त रोकेर सबै नागरिकलाई बिना कुनै रोक तोक आफ्नो कुराहरु निष्पक्ष रुपमा राख्न पाउने र जुनसुकै स्वास्थ्य संस्थामा सहज र सरल रुपमा स्वास्थ्य सेवा लिन पाउने अधिकारबाट वञ्चित गराइए संघ आफ्नो सदस्यहरुको रक्षाका लागि जुनसुकै कदम चाल्न पछि नपर्ने’, उल्लेख गरेको छ ।

डा.कार्कीले हालको स्थिति हेर्दा कुनै पनि समय आफूहरु कडा पाइला चाल्न बाध्य हुनुपर्ने सम्भावना समेत रहेको बताए । संघले आफनो सबै शाखालाइ विगत झै डा.केसीले उठाएको जायज मागहरुलाई पूर्ण रुपमा सहयोग र समर्थन गर्दै निर्णायक तहमा पुर्‍याउन समेत अपिल गरेको छ ।

प्रकाशित : असार १६, २०७५ १७:२०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT