डा. केसीद्वारा सरकारी चिकित्सा टोली अस्वीकार

वीर अस्पतालका निर्देशक डा. भूपेन्द्र बस्नेतले हाल दुवै चिकित्सक जुम्ला पुगिसकेको बताए । तर, कर्णाली स्वास्थ्य विज्ञान प्रतिष्ठानका मेडिकल डाइरेकटर डा.पुजन रोकायाले डा.केसीले सरकारी टोलीलाई अस्वीकार गरेको बताए ।

‘म १४ पटक अनशन बस्दा जस्तै यहाँ स्याहार पाएको छु, यहाँको टोलीमा मलाई विश्वास छ, तपाईहरुको आवश्यकता छैन फर्के हुन्छ भनेर सरले सरकारी चिकित्सा टोलीलाई भन्नुभयो’, डा.रोकायाले कान्तिपुरसँग भने ।

हाल उनको शरीरमा रोग प्रतिरोधक क्षमता कम भएकोले अन्य संक्रमणको सम्भावना समेत बढेको छ । आमरण अनशनको छैटौं दिन बिहीबार टोटल ब्लड काउन्ट तीन हजारमा झरेको छ भने किटोन पोजेटिभ देखिएको छ ।