नारायणगढ–मुग्लिन सडककाे तीन ठाउँमा पहिरो

ट्राफिक प्रहरी निरीक्षक वेदप्रसाद गौतमकाअनुसार गाइघाटमा साेमबार राति पहिरो खसेकाे हाे । घुमाउने र टोपे खोलामा मंगलबार बिहान पहिरो खस्दा यातायात अवरुद्ध भएकाे छ ।गाइघाट र टोपे खोलामा एकतर्फी गाडी चले पनि घुमाउनेमा पुरै ठप्प छ ।

चितवनमा साेमबार रातिदेखि लगातार पानी परेको छ । पानी परेसँगै मुग्लिन नारायणगढ सडकमा पहिरो खस्ने गर्छ । राजधानी काठमाडौं आउजाउ गर्ने यो सडकमा दैनिक १० हजार हाराहारीमा गाडी गुड्छन् । सडक दुई लेनको बनाउन पहाड काटेको ठाउँमा वर्षाका बेला पहिरो जाने समस्याले यात्रुहरूलाई निकै पिरोलेको छ ।