नारायणगढ मुग्लिन सडक भास्सियो, सडक एकतर्फी सञ्चालनमा

नारायणगढ–मुग्लिन सडक आयोजनाका सूचना अधिकारी इन्जिनियर शिव खनालका अनुसार मंगलबार साँझ सो क्षेत्रमा ठुलो पानी आएर पहिरो पनि गएको थियो । त्यसपछि सडक भास्सिएको हो ।

‘नाराणगढबाट १७ किलो मिटर पर मुग्लिनतर्फ गाइघाट नजिक समस्या आएको हो । लगभग २० मिटर लम्बाइमा आधा सडक भास्सिएको छ । भास्सिने समस्या बढ्ने अवस्थामा छ । त्यो ठाउँमा गाडी भने एकतर्फी चलेका छन् । के कारणले यो समस्या आएको हो ? विज्ञ टोली आजै आएर सोध खोज गर्दै छ,’ सूचना अधिकारी खनालले भने । तीन वर्षअघि विस्तारको काम सुरु भएको नारायणगढ मुग्लिन सडकको लगभग ९५ प्रतिशत काम पुरा भएको छ ।

प्रकाशित : असार २७, २०७५ ११:४१