भुमहीमा बस दुर्घटना एक जनाको मृत्यु २१ जना घाइते

नवीन पौडेल

नवलपरासी — पूर्वपश्चिम राजमार्ग अन्तर्गत पश्चिम नवलपरासीको भुमहीमा बस दुर्घटना हुँदा एकजनाको मृत्यु भएको छ भने २१ जना घाइते भएका छन् ।

नारायणघाटबाट नेपालगञ्ज तर्फ जाँदै गरेको ना ६ ख ९४३८ नम्बरको यात्रुबाहक बस सुनवल नगरपालिका–१२, भुमहीमा अनियन्त्रित भएर दुर्घटना भएको हो ।

मृत्यु हुनेमा गुल्मी जिल्ला मालिका गाउँपालीका–१, अर्चेङका अन्दाजी ३७ वर्षिय गणेश लम्साल रहेको प्रहरीले जनाएको छ । बस पल्टदा उनको च्यापिएर घटनास्थलमै मृत्यु भएको हो भने उनकी अन्दाजी ६ वर्षीया छोरी सुप्रिया लम्साल गम्भिर घाइते भएकी छिन् ।

घाइतेहरु मध्ये १० जना गम्भिर रहेको र उनीहरुको भैरहवा मेडिकल कलेज रुपन्देहीमा उपचार भईरहेको छ । सामान्य घाइतेको भुमहीस्थित रामनगर सामुदायिक हस्पिटलमा उपचार भैरहेको छ ।

प्रकाशित : असार २८, २०७५ १२:४९
ADVERTISEMENT
प्रतिक्रिया
पठाउनुहोस्
ADVERTISEMENT

पहिरो खसेपछि बीपी राजमार्ग र मध्यपहाडी लोकमार्ग अवरुद्ध

राजकुमार कार्की

सिन्धुली — लगातारको वर्षापछि पहिरो खस्दा मध्यपहाडी लोकमार्ग र बीपी राजमार्ग बिहीबार बिहानदेखि अवरुद्ध भएको छ । सिन्धुली र काभ्रेको सिमानामा पर्ने रोशीखोला आसपासमा साना, साना पहिरो खस्दा बीपी राजमार्ग समेत अवरुद्ध बनेको प्रहरीले जनाएको छ ।

सिन्धुलीको फिक्कल गाउँपालिका–२, सुम्नामवेशी नजिक खसेको पहिरोले मध्यपहाडी लोकमार्ग अवरुद्ध बनेको हो ।

लगातार वर्षा भएकाले पहिरो पन्छाउन गाह्रो भएको प्रहरी उपरिक्षक रामेश्वरप्रसाद यादवले जानकारी दिए । मध्यपहाडी लोकमार्ग अवरुद्ध हुँदा पूर्वका ओखलढुङ्गा, भोजपुर, खोटाङ, सोलुखुम्बु लगाएतका जिल्लाबाट राजधानी आवत–जावत गर्ने सवारी साधन रोकिएका छन् ।


प्रकाशित : असार २८, २०७५ ११:२७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT