सरकारको निर्णय विरुद्ध अन्तरिम आदेश

कान्तिपुर संवाददाता

काठमाडौँ — शेरबहादुर देउवा नेतृत्वको सरकारको पालामा भएको राजनीतिक नियुक्ति उल्टाउने क्रममा पदमुक्त भएका दुई पदाधिकारीहरुलाई यथास्थितिमा राख्न सर्वोच्च अदालतले अन्तरिम आदेश जारी गरेको छ ।

न्यायाधीश पुरुषोत्तम भण्डारीको एकल इजलासले निक्षेप कर्जा सुरक्षा कोषका प्रमुख कार्यकारी अध्यक्ष विष्णुबाबु मिश्र र दुरसञ्चार प्राधिकरणका अध्यक्ष दिगम्बर झालाई तत्काल पदबाट नहटाउन अन्तरिम आदेश जारी गरेको हो।

Yamaha

सर्वोच्च अदालतले मिश्रको निवेदनमा साउन २ र झाको निवेदनमा साउन ३ गते छलफलका लागि बोलाउने आदेश गर्दै त्यतिञ्जेलका लागि निर्णय कार्यान्वयन नगर्न आदेश दिएको हो।
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चीन उडे ‘भद्र’ र ‘रुपसी’

अर्को जोडी साउनभित्रै पठाउने सरकारको तयारी 
अब्दुल्लाह मियाँ

काठमाडौँ — नेपालले उपहारस्वरुप चीनलाई दिएको जोडी गै‌ंडा लिएर चीनियाँ कार्गो विमान त्रिभुवन अन्तर्राष्ट्रिय विमानस्थलबाट उडेको छ । प्रधानमन्त्री केपी ओलीले दुई वर्ष दुई दिन अघिको निर्णयअनुसार बिहीबार दिउँसो छिमेकी मुलुक चीनलाई हस्तान्तरण गरेको एक जोडी गैंडा साँझ चीन उडेको हो ।

‘भद्र’ र ‘रुपसी’ नाम दिइएका गैंडा चिनियाँ कार्गो विमानबाट बिहीबार नै चीनको ग्वान्जाओ पुग्ने छन्।

ओली अघिल्लो पटक प्रधानमन्त्री हुँदा २०७३ असार २६ को मन्त्रिपरिषद्ले चीनलाई दुई जोडी एकसिंगे गैंडा उपहार दिने निर्णय गरेको थियो। तत्कालीन वनमन्त्री अग्निप्रसाद सापकोटाले उक्त प्रस्ताव मन्त्रिपरिषद् लगेका थिए।

अर्को जोडी पनि साउनभित्रै हस्तान्तरण गर्ने सरकारको तयारी छ। ती जोडी सौराहास्थित् ‘बुमा’मा छन्। साईटिसमा एक पटकमा कुनै मुलुकलाई एक जोडी वन्यजन्तु मात्र उपहार दिनसक्ने व्यवस्था भएकाले दुई पटक गरेर गैंडा हस्तान्तरण गर्न खोजिएको हो।

राष्ट्रिय प्रकृति संरक्षण कोष (एनटीएनसी) को खुमलटारस्थित् परिसरमा बिहीबार आयोजित विशेष कार्यक्रममा प्रधानमन्त्री ओलीले साइटिस निर्यात प्रमाण पत्र, प्रजाति उत्पत्ति प्रमाणपत्रसहित जोडी गैंडा चिनियाँ राजदूत हु होङलाई हस्तान्तरण गरेका हुन्।

गैंडा हस्तान्तरणअघि ११ असारमा नेपाल र चीन सरकारबीच सम्झौता भएको थियो। त्यसअघि २०७४ वैशाखमा चीनको चीनको राज्य वन प्रशासनसँग पनि सम्झौता भएको थियो।

ती गैंडालाई चितवनको सौराहाबाट काठको बाकसभित्र राखेर मंगलवार राती काठमाडौं ल्याइएको थियो। उपहार दिइएका दुबै करिब दुई वर्षका हुन्। भालेको तौल ९ र पोथीको तौल करिब १२ सय किलो छ।

राष्ट्रिय निकुञ्ज विभागका महानिर्देशक मनबहादुर खडकाका अनुसार भालेलाई चितवन निकुञ्जको खोरियामुहान र पोथीलाई निकुञ्जकै सुखिभार क्षेत्रबाट नियन्त्रण गरिएको हो। गत वैशाखमा नियन्त्रण गरेर सौराहास्थित् बुमामा राखेर हेरचाह गरिएको थियो।

यी जोडी गैंडालाई ग्वान्जाओ चेमेलोङ सफारी पार्कमा राखिनेछ। यसअघि उक्त पार्कको हावापानी, वासस्थान, आहार र घाँसे मैदानबारे विभागका उपमहानिर्देशक गोपालप्रकाश भट्टराईको नेतृत्वमा गएको नेपाली विशेषज्ञहरुको टोलीले अध्ययन गरिसकेका छन्।

नेपाली गैंडा राखिने पार्कको अवस्था हेर्न बुधवारै भेटेरिनरी चिकित्सक किरण रिजालसहित वन्यजन्तु प्राविधिकहरु दीपप्रसाद चौधरी र विनोद दराई ग्वान्जाओ गएका छन्। बिहीबार पनि गैंडासंग निकुञ्जका भेटेरिनरी चिकित्सक कमलप्रसाद गैरे र तीर्थ लामा गएका छन्।

उनीहरुले नयाँ वासस्थानबारे अध्ययन गर्दै खानपिन र तीनका आनिबानी र गतिविधिबारे चिनिया प्राविधिकहरुलाई जानकारी गराउनेछन्।

गैंडा हस्तान्तरणपछि प्रधानमन्त्री ओलीले भद्र र रुपसीको ग्वान्जाओ बसाई स्वस्थ्य र सुखी हुने विश्वास व्यक्त गरे। ‘यी जोडीले आफ्नै घर ठानेर सुखी र खुसी भएर रमाएर बाँच्ने अपेक्षा छ,’ ओलीले भने, ‘हामी माइतीजस्ता भए पनि त्यहाँ जाँदा हालखबर बुझ्ने नै छौँ।’

चिनियाँ राजदूत होङले यी दुर्लभ गैंडाको रेखदेख र हेरचाह गर्ने जिम्मा आफ्नो मुलुकको भएकाले निश्चिन्त बन्न आग्रह गरिन्।

प्रकाशित : असार २८, २०७५ १९:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT